الماتىدا جەرگە كومىلگەن قارۋ-جاراق پەن وق-دارىلەر تابىلدى

الماتى قالالىق پوليتسيا دەپارتامەنتىنەن حابارلاعانداي, پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرىنە قارۋ-جاراق جاسىرىلعان ورىن بەلگىلى بولدى.

قر ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسكەن جەدەل تەكسەرىس بارىسىندا, ساحاريەۆ كوشەسىنىڭ ماڭىندا جىراعا قاراي تۇسەردە, اعاشتاردىڭ اراسىنان اق قاپشىققا سالىنعان قارۋ-جاراق پەن وق-دارىلەر تابىلدى.

پوليتسيا قىزمەتكەرلەرى 12 كاليبرلى تەگىس ۇڭعىلى 2 مىلتىق, 12 كاليبرلى تەگىس ۇڭعىلى «ماكاروۆ» تاپانشاسى, «فورت 17ت» ماركالى تراۆماتيكالىق تاپانشا, رگد – 5 گراناتالارى, 13 دانا 12 كاليبرلى پاتروندار, 9 مم پاتروندار – 15 دانا, قۋاتتاندىرعىشى بار «Kirisun» راتسياسىن تاركىلەدى.

«بارلىق تاركىلەنگەن زاتتار ساراپتاماعا جىبەرىلدى. اتالعان دەرەك مەدەۋ اۋداندىق پوليتسيا باسقارماسىندا قر قىلمىستىق كودەكسىنىڭ 287- بابىنىڭ 3-بولىگى بويىنشا تىركەلدى. بارلىق تەرگەۋ ارەكەتتەرى جۇرگىزىلگەن سوڭ, ارسەنالدىڭ كىمدىكى جانە قايدان شىققانى بەلگىلى بولادى», دەپ حابارلادى پوليتسيادا.

ايانا توعانبەك