شاراينا
ورتالىق افريكا رەسپۋبليكاسىنداعى «شەكاراسىز دارىگەرلەر» حالىقارالىق گۋمانيتارلىق ۇيىمىنىڭ اۋرۋحاناسىنا قارۋلى شابۋىل جاسالدى. شابۋىل سالدارىنان 22 ادام قۇربان بولدى, ولاردىڭ اراسىندا ءۇش دارىگەر جانە جەرگىلىكتى قاۋىمنىڭ ون بەس جەتەكشىسى بار. «رەيتەر» اقپارات اگەنتتىگىنىڭ حابارلاۋىنشا, اۋرۋحانا ەل استاناسىنان 450 شاقىرىمداي قاشىقتىقتاعى نانگا بوگۋيلا ەلدى مەكەنىندە ورنالاسقان. شابۋىل سەنبى كۇنى اۋرۋحانادا جەرگىلىكتى قاۋىم باسشىلارى جينالعان كەزدە جاسالىپتى. ونى كىمدەردىڭ ۇيىمداستىرعانى قازىرگە بەلگىسىز بولىپ وتىر. بۇل ەلدە وتكەن جىلدىڭ جەلتوقسانىندا «سەلەكا» اتالاتىن مۇسىلمان ۇيىمى مەن «انتي بالاكا» حريستيان كوتەرىلىسشىلەرى اراسىندا ءبىر مىڭنان استام ادامنىڭ ولىمىنە سوقتىرعان ءىرى قاقتىعىس بولعان ەدى. بيلىك پارتياسى جەڭىسكە جەتتى ماكەدونيادا وتكەن پرەزيدەنت جانە پارلامەنت سايلاۋىنىڭ الدىن الا ناتيجەسى بويىنشا, ماكەدونيا ۇلتتىق بىرلىگى دەموكراتيالىق پارتياسى مەن ەلدىڭ قازىرگى پرەزيدەنتى جەڭىسكە جەتكەن. بۇل اقپاراتتى «فرانس-پرەسس» اگەنتتىگى تاراتتى. بيۋللەتەندەردى ساناعاننان كەيىنگى مالىمەتتەرگە قاراعاندا, قازىرگى بيلىك پارتياسى 42,27 پايىز داۋىس جيناعان. وپپوزيتسيالىق سوتسيال-دەموكراتيالىق وداعى پارتياسىنا سايلاۋشىلاردىڭ 22,8 پايىزى داۋىس بەرگەن. ال پرەزيدەنت سايلاۋىندا قازىرگى مەملەكەت باسشىسى گەورگي يۆانوۆ 56 پايىزبەن كوش باستاپ وتىر. ونىڭ نەگىزگى باسەكەلەسى ستەۆو پەنداروۆسكي 39,49 پايىز داۋىس الىپتى. سوتسيال-دەموكراتيالىق پارتياسىنىڭ جەتەكشىسى زوران زاەۆ سايلاۋ ناتيجەسىن مويىندامايتىندارىن مالىمدەدى. بايقاۋشىلاردىڭ ايتۋىنشا, داۋىس بەرۋ بارىسىندا بىرقاتار كەمشىلىكتەر ورىن العان. بىراق, ولار سايلاۋدىڭ جالپى ناتيجەسىنە اسەر ەتپەيدى.قىسقا قايىرىپ ايتقاندا:
«تيتانيك» كەمەسىنىڭ امان قالعان جولاۋشىسى ەشتەر حارتتىڭ حاتى اۋكتسيوندا 200 مىڭ دوللارعا ساتىلدى. ول بۇل حاتتى كەمە ايسبەرگكە سوعىلۋىنا بىرنەشە ساعات قالعاندا جازعان ەكەن. ءۇندىستاننىڭ ۆاراناسي ەلدى مەكەنىندە 179 جاسقا كەلگەن ماحاچا مۋراسي ەسىمدى قارت تۇرادى. تۇركيالىق اقپارات قۇرالدارىنىڭ حابارلاۋى بويىنشا, ول 1835 جىلى دۇنيەگە كەلگەن كورىنەدى. يران پرەزيدەنتى حاسان رۋحاني ەل استاناسىن تەھراننان كوشىرۋگە قولداۋ بىلدىرگەن. پرەزيدەنت وسىعان بايلانىستى ءوزىنىڭ اكىمشىلىگى دايىنداعان جوسپارمەن كەلىسكەن جانە قالا باسشىلارىنا تاپسىرمالار بەرگەن. اۋعانستاننىڭ سولتۇستىگىندەگى سۋ تاسقىنىنان قۇربان بولعانداردىڭ سانى 110 ادامنان اسىپ وتىر. تابيعات اپاتىنان ءىز-ءتۇزسىز كەتكەندەر قاتارى دا ءوسىپ بارادى. جەرگىلىكتى بيلىك اپات سالدارىنان ەكى مىڭنان استام ءۇي قيراعانىن ايتادى. تەررورلىق ارەكەتتەردىڭ الدىن الدى يتار-تاسس اگەنتتىگىنىڭ حابارلاۋىنشا, داعىستاننىڭ دەربەنت ەلدى مەكەنىندە مامىر مەرەكەسى كەزىندە تەررورلىق ارەكەتتەر جاساۋعا دايىندالعان سودىرلاردىڭ كوزى جويىلدى. ۇلتتىق انتيتەررورلىق كوميتەتى اقپارات ورتالىعىنىڭ مالىمەتتەرىنە قاراعاندا, ارنايى وپەراتسيا ەكى باعىتتا جۇزەگە اسىرىلعان. پوليتسەيلەر ناريمانوۆ جانە گەنەرال سايدوۆ كوشەلەرىنىڭ قيىلىسىندا جەڭىل ءاۆتوموبيلدى توقتاتپاقشى بولادى. كولىك ىشىندە وتىرعان قارۋلى ادامدار ولارعا قارسى وق اتادى. اتىس كەزىندە ەكى سودىردىڭ كوزى جويىلادى, ءبىر پوليتسەي جارالانادى. سول ۋاقىتتا وسى ەلدى مەكەندەگى ۇيلەردىڭ بىرىندە جاسىرىنعان تاعى ءبىر سودىرلار توبى قورشاۋعا الىنادى. شابۋىل بارىسىندا ۇيدەگى جارىلعىش قوندىرعى ىسكە قوسىلىپ كەتىپ, كۇشتى جارىلىس بولادى. ءۇش سودىر سول جەردە قازا تابادى. وقيعا ورنىنان اۆتوماتتار, گراناتالار مەن وقتار تابىلعان. پرەمەر وتستاۆكاعا كەتەتىنىن مالىمدەدى وڭتۇستىك كورەيانىڭ پرەمەر-ءمينيسترى چون حون ۆون ءوزىنىڭ وتستاۆكاعا كەتەتىنىن مالىمدەدى. بۇعان كوپتەگەن ادامنىڭ ءومىرىن جالماعان «سەۆول» پارومىنىڭ اپاتىنا بايلانىستى ەل ۇكىمەتىنە ايتىلعان سىندار سەبەپ بولعان. وتكەن جەكسەنبىدە جاساعان قىسقاشا مالىمدەمەسىندە ول ەگەر ءوزى پرەمەرلىك قىزمەتىن ءارى قاراي جالعاستىرا بەرسە, بۇل ۇكىمەتكە قيىندىق تۋعىزادى, دەگەن پىكىر ءبىلدىرىپتى. «ۇكىمەت اتىنان قالىپتاسقان وسىنداي پروبلەمالار ءۇشىن كەشىرىم سۇرايمىن» دەدى ول. سونىمەن قاتار, پرەمەر بولاشاقتا ەلدە مۇنداي قاتەلىكتەرگە جول بەرىلمەيتىندىگىنە سەنىمدى ەكەنىن دە اتاپ وتكەن. ءسوزىنىڭ سوڭىندا ساياساتكەر وزىنە قارسى سۋ قۇيىلعان بوتەلكە لاقتىرىلسا دا, اپات بولعان كۇننىڭ ەرتەڭىندە قازا تاپقانداردىڭ تۋعان-تۋىستارىنا بارىپ, قايعىلارىنا ورتاقتاسقانىن دا ايتقان. ح.كلينتوندى قولدايتىندارىن ءبىلدىردى اقش-تىڭ قاستاندىقپەن ولتىرىلگەن بۇرىنعى پرەزيدەنتى دجون كەننەديدى جاقتاۋشىلار ەلدە ەندى ءبىر جارىم جىلدان كەيىن وتەتىن پرەزيدەنتتىك سايلاۋداعى كانديداتتار پرايمەريزىندە دەموكراتتار اراسىنان حيللاري كلينتوندى قولدايتىندارىن ءبىلدىردى. ەكس-مەملەكەتتىك حاتشى ءوزىنىڭ تاعى ءبىر مارتە پرەزيدەنتتىك سايلاۋعا تۇسكىسى كەلەتىنى جونىندە قازىرگە مالىمدەگەن جوق. دەگەنمەن, ساياساتكەرلەر ءدال قازىرگى كەزدە پارتيا ىشىنەن وعان باسەكەلەسە الاتىن قارسىلاستى كورىپ تۇرماعاندىقتارىن ايتادى. حيللاري كلينتون بىرنەشە جىلدان بەرى ءوزىن ساياساتتان الىستاۋ ۇستاپ كەلەدى. سونداي-اق, ول امەريكالىقتار الدىندا سويلەگەن سوزدەرىندە 66 جاستاعى وعان اجە بولۋ ەرەكشە ۇنايتىنىن بىلدىرگەن دە بولاتىن. «ۆاشينگتون پوست» باسىلىمىنىڭ جازۋىنشا, اجە اتانىپ, نەمەرە باعۋ سايلاۋ كومپانياسى كەزىندە كلينتونعا كەدەرگى جاسامايدى. بۇعان مىسال رەتىندە باسىلىم 70 جاسىندا پرەزيدەنت بولىپ سايلانعان رونالد رەيگاندى كەلتىرەدى. تۇڭعىش رەت ايەل ادام تىركەلدى سيريادا ەل تاريحىندا پرەزيدەنتتىككە تۇڭعىش رەت ايەل ادام تىركەلدى. ول – لاتاكيا پروۆينتسياسىندا ينجەنەر بولىپ ىستەيتىن سيۋسان ءال-حادداد ەسىمدى ايەل. ونى سيريا پرەزيدەنتتىگىنە كانديدات ەتىپ تىركەۋ تۋرالى ءوتىنىش ەلدىڭ جوعارى كونستيتۋتسيالىق سوتىنان تۇسكەن ەكەن. ەلدىڭ زاڭ شىعارۋشى ورگانى – حالىقتىق كەڭەستىڭ مالىمدەۋىنشە, قولدانىستاعى كونستيتۋتسياعا سايكەس, كانديدات بولىپ رەسمي بەكۋ جانە سايلاۋالدى ناۋقانعا قاتىسۋ ءۇشىن ول جوعارعى زاڭ شىعارۋشى ورگاننىڭ كەمىندە 36 دەپۋتاتتىڭ قولداۋىنا يە بولۋى كەرەك. ال پرەزيدەنتتىككە كانديداتتاردى تىركەۋ 22 ءساۋىر مەن 1 مامىرعا دەيىن جۇرگىزىلەدى. سايلاۋ وسى جىلدىڭ 3 ماۋسىمىنا بەلگىلەنگەن.ينتەرنەت ماتەريالدارى نەگىزىندە ازىرلەندى.