ساۋل الۆارەس پەن گەننادي گولوۆكين اراسىنداعى ءۇشىنشى جەكپە-جەك 18 قىركۇيەكتە نۇر-سۇلتان ۋاقىتىمەن تاڭعى ساعات 9:00-دە باستالادى, دەپ حابارلايدى Egemen.kz.
WBA (Super), WBC, IBF جانە WBO سۋپەر ورتا سالماقتاعى بەلبەۋلەرى باسكە تىگىلەدى. تىكەلەي ترانسلياتسيا DAZN اقىلى ستريمينگ سەرۆيسى ارقىلى كورسەتىلەدى.
جەكپە-جەكتىڭ قازاقستان اۋماعىندا كورسەتىلۋى تۋرالى ازىرگە اقپارات جوق.
گولوۆكيننىڭ بارلىق سوڭعى جەكپە-جەكتەرى Qazaqstan جانە Qazsport تەلەارنالارىندا كورسەتىلدى. وسى ءداستۇر جالعاسىن تابۋى ابدەن مۇمكىن.
بۇل - قازاقستاندىق پەن مەكسيكالىق اراسىنداعى ءۇشىنشى جەكپە-جەك بولماق. بىرىنشىسىندە تەڭ اياقتالسا, ەكىنشىسىندە تورەشىلەر جەڭىستى «كانەلوعا» بەرگەن بولاتىن.
ايانا توعانبەك