مەملەكەتتىك قىزمەتتى باسقارۋداعى تسيفرلى يننوۆاتسيالار

بۇل – استانا مەملەكەتتىك قىزمەت حابى كورەيا رەسپۋبلي­كاسىنىڭ پەرسونالدى باسقارۋ مينيسترلىگى, ەلىمىزدىڭ مەملە­كەتتىك قىزمەت ىستەرى اگەنتتىگى جانە قازاقستاننىڭ HR-مەنەد­جەرلەرى قاۋىمداستىعىمەن بىر­لەسىپ ۇيىمداستىرعان, جىل سايىن­عى ءۇشىنشى ونلاين كونفە­رەنتسيا, وندا مەملەكەتتىك قىز­مەتتىڭ وزەكتى تاقىرىپتارى تال­قىلانادى.

«بۇگىندە مەملەكەتتىك قىزمەت مەنەدجمەنتى زاماناۋي تەحنولوگيالار مەن باسقارۋدىڭ جا­ڭا ادىستەرىن قولدانادى, بۇل ونىڭ يكەمدى, ازاماتتارعا باع­دارلانعان جانە اشىق بولۋى­نا مۇمكىندىك بەرەدى», دەدى اس­تانا مەملەكەتتىك قىزمەت حابى باسقارۋشى كوميتەتى توراعاسى ءاليحان بايمەنوۆ.

ول ەلدەر اراسىندا ءبىلىم مەن تاجىريبە الماسۋدىڭ ماڭىز­دىلىعىن اتاپ ءوتىپ, تسيفرلان­دىرۋ جانە مەملەكەتتىك قىزمەت مەنەدجمەنتى بويىنشا الەم مويىنداعان كوشباسشى كورەيا ۇكى­مەتىنە ءوز تاجىريبەسىمەن بولى­سۋگە ۇنەمى دايىن ەكەندىگى ءۇشىن العىس ءبىلدىردى.

كورەيا رەسپۋبليكاسى پەر­سونالدى باسقارۋ ءمينيسترى كيم سون حو مەملەكەتتىك قىزمەتكە تسيفر­لى يننوۆاتسيالاردى ەن­گىزۋ­دىڭ ماڭىزدىلىعىن اتاپ ءوتتى.

«بۇگىندە ءبىز COVID-19 ور­شۋىمەن جەدەلدەتىلگەن سان­دىق ترانسفورماتسيانىڭ ۇلكەن تول­قى­نىنا تاپ بولدىق. ءبىز­دىڭ مي­نيس­ترلىك جاسايتىن تسيفر­لى رەفورمالار, ونىڭ ىشىن­دە e-Saram ازىرلەمەسى كورەي ۇكى­مەتىنىڭ نەگىزگى ساياسي مىن­دەت­تەرىنىڭ ءبىرىن ىسكە اسىرۋعا, اتاپ ايتقاندا الەمدەگى بارلىق دەرەكتەردى بىرىكتىرەتىن ۇزدىك ساندىق پلاتفورما قۇرۋعا ىقپال ەتەدى», دەدى ول.

مينيستر سونداي-اق, ونىڭ ۆە­دومستۆوسى مەملەكەتتىك باس­قارۋدى دامىتۋعا بەل­سەن­دى ۇلەس قوسىپ, بىلگەن-تۇي­گەندەرىمەن حالىقارالىق قوعام­داستىقپەن ءبولىسۋدى جالعاس­تىراتىنىن, اتاپ ايتقاندا, اس­تانا مەملەكەتتىك قىزمەت حابىن قولدايتىنىن جانە ورتالىق ازيا ەلدە­رىمەن ىنتىماقتاستىقتى نىعاي­تا­تى­نىن اتاپ ءوتتى.

مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى ازامات جولمانوۆ وتان­دىق مەملەكەتتىك قىزمەتتىڭ تسيفر­­لاندىرۋ سالاسىنداعى جە­تىستىكتەرىمەن ءبولىستى, سونداي-اق تاجىريبە الماسۋ ءۇشىن وسىنداي ءىس-شارالارعا قاتىسۋدىڭ ماڭىزدىلىعىن اتاپ ءوتتى.

كونفەرەنتسيا بارىسىندا وڭتۇستىك كورەيا سپيكەرلەرى e-Saram پلاتفورماسىن تانىس­تىرىپ, كورەيا رەسپۋبليكاسى پەرسو­نالدى باسقارۋ مينيسترلى­گىنىڭ جىلدىق ەسەبىنىڭ تۇيىن­دەمەسىن ۇسىندى.

بەلگيانىڭ وزىق تاجىري­بەسىن BOSA فەدەرالدى مەملە­كەتتىك قىزمەتى تسيفرلى ترانسفورماتسيا باسقارماسىنىڭ وكى­لى باياندادى. سونىمەن قا­تار گرۋزيانىڭ مەملەكەتتىك قىزمەت بيۋروسى, قازاقستاننىڭ مەم­لەكەتتىك قىزمەت اگەنتتىگى جانە وزبەكستاننىڭ مەملەكەتتىك قىز­مەتتى دامىتۋ اگەنتتىگىنىڭ سپيكەرلەرى مەملەكەتتىك قىزمەتتى تسيفرلاندىرۋدىڭ باعىتتارى, قازىرگى سىن-تەگەۋرىندەر مەن پەرسپەكتيۆالار تۋرالى ايتىپ بەردى. قىرعىزستاننىڭ مەم­لەكەتتىك قىزمەت ىستەرى جانە جەر­­گىلىكتى ءوزىن ءوزى باس­قارۋ جو­نىندەگى مەملەكەتتىك اگەنت­تىگى­نىڭ سپيكەرى Sanarip Aimak پلات­­فورماسى تۋرالى ايتىپ, ءوز ەلىنىڭ تاجىريبەسىنە توقتالدى. سەميناردا ايتىلعان ماڭىزدى يدەيالاردىڭ ءبىرى تسيفرلاندىرۋ داۋىرىندە ءبىرىنشى كەزەكتە ادامداردىڭ مۇددەلەرىنە ەرەكشە نازار اۋدارۋ بولدى.

اتالعان ەلدەردىڭ تاجىري­بەسى كونفەرەنتسياعا قاتىسۋ­شىلاردىڭ ۇلكەن قىزىعۋشى­لىعىن تۋدىردى. بۇل پاندەميا كەزىندە الەمدە مەملەكەتتىك قىزمەتتىڭ تيىمدىلىگىن قام­تا­ماسىز ەتۋ ءۇشىن تسيفرلى ين­نو­ۆاتسيالاردىڭ ماڭىزى ەداۋىر ارتقاندىعىنا بايلانىستى.

بارلىق سپيكەرلەر سونداي-اق حابتىڭ وزىق پراكتيكالاردى ىلگەرىلەتۋدەگى, قاتىسۋشى ەلدەر, ارىپتەستەر جانە ساراپ­شىلار قا­ۋىم­داستىعى اراسىندا تاجىريبە مەن ءبىلىم ال­ما­سۋداعى ءرولىن ەرەكشە اتاپ ءوتتى. حاب ءوز كەزەگىندە قا­تى­­سۋشى ەلدەر مەملەكەتتىك ورگان­دارىن مەم­قىزمەتتى ين­نو­ۆاتسيالىق دامى­تۋدا جانە ادام رەسۋرستارىن باسقارۋ تيىم­­­­­­دىلىگىن ارتتىرۋ ءۇشىن تسيفر­لى قۇرالداردى ىز­دەۋگە با­عىت­تالعان كۇش-جىگەرىن قول­داۋ­دا بەل­سەندى جۇمىس جۇر­گى­زۋ­دى جال­عاس­تىرۋدا.