قوستاناي. 26 ءساۋىر. قوستاناي وبلىسى ارقالىق قالاسىندا ەكى كۇننىڭ ىشىندە 8 جانە 9-سىنىپتا وقيتىن قىزدار وزدەرىنە قول جۇمسادى. ولاردىڭ بىرەۋى امان قالسا, ەكىنشىسى قايتىس بولدى. بۇل تۋرالى Nur.kz حابارلادى.
8-سىنىپ وقۋشىسى 5 قاباتتى ءۇيدىڭ بالكونىنان سەكىرىپ, قۋانىشقا وراي, امان قالدى. ال 9-سىنىپتا وقيتىن قىز ءوز ءۇيىنىڭ جۋىناتىن بولمەسىندە اسىلىپ, قازا تاپتى.
ارقالىق قالالىق ىشكى ىستەر باسقارماسى وكىلىنىڭ سوزىنە قاراعاندا, ەكى ءجاسوسپىرىم دە داۋلەتتى وتباسىلاردىڭ پەرزەنتتەرى.
5-قاباتتان سەكىرىپ, امان قالعان قىز اۋرۋحانادا ەسىن جيىپ, تىلگە كەلگەن. ول مۇنداي قادامعا بارۋىنا اتا-اناسىنىڭ وزىنە كوڭىل بولمەي, بالالارىنا الالاپ قارايتىنى تۇرتكى بولعانىن ايتقان.
ال ءوز ۇيىندە اسىلىپ ولگەن قىزدىڭ قازاسىنىڭ سەبەبى تۇسىنىكسىز بولىپ تۇر. مارقۇم ءبىر جاپىراق قاعازعا «مەنىڭ ولىمىمە ەشكىم كىنالى ەمەس», – دەپ جازىپ كەتىپتى.
قىزدىڭ سىنىپتاستارى مەن ۇستازدارى ونىڭ الدىڭعى قاتارلى وقۋشى ءارى مەكتەپتىڭ ماقتانىشى بولعانىن ايتۋدا.
جولدىباي بازار.
دەرەككوز: Nur.kz.
فوتو: Trud.ru.