سىبايلاس جەمقورلىققا قارسى ءىس-قيمىل اگەنتتىگى «وكم وپەراتورى» جشس باسشىلىعىنا جانە باسقا دا تۇلعالارعا قاتىستى اسا ءىرى مولشەردە اقشا جىمقىرۋ بەلگىلەرى بويىنشا سوتقا دەيىنگى تەرگەپ-تەكسەرۋدى جالعاستىرۋدا, دەپ جازادى Egemen.kz.
قىلمىستىق ءىس اياسىندا 2017-2018 جىلدار ارالىعىندا ەكولوگيالىق كودەكستىڭ تالاپتارىن بۇزا وتىرىپ, وعان 920 ميلليون تەڭگە مولشەرىندە ديۆيدەند تۇرىندە زاڭسىز تولەنگەن كادەگە جاراتۋ الىمىنىڭ اقشالاي قاراجاتىن يەلەنگەن «وكم وپەراتورى» جشس بۇرىنعى قۇرىلتايشىسى مۇحتاروۆا شىنار ورالعازىنقىزى كۇدىككە ءىلىندى.
«شىنار مۇحتاروۆاعا ىزدەۋ جاريالاندى جانە وعان قاتىستى سوت «قاماۋدا ۇستاۋ» تۇرىندەگى بۇلتارتپاۋ شاراسىن سانكتسيالادى», دەلىنگەن حابارلامادا.
سونداي-اق اگەنتتىك زدەستىرىلىپ جاتقان ادامنىڭ ورنالاسقان جەرى تۋرالى اقپارات بەرگەن ادامعا 4 000 ايلىق ەسەپتىك كورسەتكىشكە دەيىن سىياقى بەرىلەتىنىن ايتتى.