«ازيا تەگ» جانە «ەۆرو-ازيا تەمپ» جشس-ءنىڭ ديرەكتورىنا قاتىستى ءىس تەرگەۋى اياقتالدى, دەپ حابارلايدى Egemen.kz قارجى مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.
سەرىكتەستىك باسشىسى 2021 جىلى مۇناي ونىمدەرىن يەمدەنۋ, تاسىمالداۋ جانە وتكىزۋ ماقساتىندا جىلىوي اۋدانىنىڭ اۋماعىنان شىعارىلۋ زاڭدىلىعىن راستايتىن قۇجاتتارسىز 3 مىڭ توننا ديزەل وتىنىن ساتىپ الىپ, ونى ماڭعىستاۋ وبلىسىنا تاسىمالداپ, بارلىعى 796,5 ملن تەڭگەگە وتكىزىپ, زاڭسىز پايدا تۇسىرگەن.
سونىمەن قاتار اتالعان تۇلعا «ەۆرو-ازيا تەمپ» جشس-ءنىڭ ديرەكتورى بولا تۇرا, 2021 جىلى جىلىوي اۋدانىنىڭ اۋماعىنان قۇجاتتارسىز 3 مىڭعا جۋىق توننا ديزەل وتىنىن ساتىپ الىپ, ونى ماڭعىستاۋ وبلىسىنا تاسىمالداپ, بارلىعى 990 ملن تەڭگەگە وتكىزىپ, زاڭسىز پايدا تۇسىرگەن.
سوت ۇكىمىمەن اتالعان سەرىكتەستىك باسشىسى كىنالى دەپ تانىلىپ, ءۇش جىل باس بوستاندىعىنان ايىرۋ جازاسى تاعايىندالىپ, قر تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى زاڭى نەگىزىندە ءۇش جىل مەرزىمگە باس بوستاندىعىنان ايىرۋ جازاسى ۇشتەن ءبىر بولىگىنە قىسقارتىلىپ, تۇپكىلىكتى ەكى جىل مەرزىمگە باس بوستاندىعىنان ايىرۋ جازاسى تاعايىندالعان.
قك-ءنىڭ 63-بابىنىڭ تالاپتارىنا ساي, تاعايىندالعان جازا شارتتى دەپ ەسەپتەلىنىپ, 2 جىلعا پروباتسيالىق باقىلاۋ بەلگىلەنگەن.