نۇر-سۇلتان قالاسى م.وتەمىسوۆ اتىنداعى وقۋشىلار سارايىندا اقتوبە قالاسى «شاشۋ» حالىقتىق ءانسامبلىنىڭ, ياعني جەتەسوۆتەر اۋلەتىنىڭ شىعارماشىلىق كونتسەرتى ءوتتى. انسامبل جەتەكشىسى – ءومىرحان جەتەسوۆ.
«شاشۋ» حالىقتىق ءانسامبلىنىڭ رەپەرتۋارى وتە باي. حالىق كومپوزيتورلارىنىڭ كۇيلەرى مەن اندەرى, قازاق, ورىس جانە شەتەل كومپوزيتورلارىنىڭ شىعارمالارى دا بار. قۇرىلعان كۇنىنەن باستاپ انسامبل حالىقارالىق, رەسپۋبليكالىق, وبلىستىق جانە قالالىق بايقاۋلاردىڭ لاۋرەاتتارى اتانىپ ۇلگەرگەن.
انسامبل قۇرامىندا 21 بالا بار, ونىڭ 18-ءى – پاتروناتتىق تاربيەدە. ءومىرحان جەتەسوۆ پەن امانگۇل ونەرگە جاقىن جاندار بولعان سوڭ, باۋىرىنا باسقان ارقايسىسىن ەرەكشە قامقورلىق پەن مەيىرىمدىلىك تانىتا وتىرىپ, ولاردى مۋزىكا مەن ونەرگە باۋلىدى. بۇگىندە بالالاردىڭ ءبىرى ءداستۇرلى ءان ورىنداسا, ءبىرى دومبىرا, قوبىز تارتادى, ەندى ءبىرى جەتىگەن, سىبىزعى جانە وزگە دە اسپاپتاردا شەبەر وينايدى. وتباسى مۇشەلەرىنەن قۇرالعان وتباسىلىق انسامبل قازىر كوپشىلىككە تانىمال. اتالعان ءىس-شاراعا نۇر-سۇلتان قالاسى ء«بىلىم جاڭعىرتۋ» ورتالىعىنىڭ وكىلدەرى, وقۋشىلار جانە اتا-انالار, ءبىلىم بەرۋ ۇيىمدارىنىڭ ۇستازدارى قاتىستى.
«ەلوردامىزداعى ماحامبەت وتەمىسوۆ اتىنداعى وقۋشىلار سارايىندا رەسپۋبليكامىزدا ءوتىپ جاتقان بيىلعى بالالار جىلىنا وراي «ەلوردا بيلەر قوعامى», قالالىق ءبىلىم باسقارماسى, ء«بىلىم جاڭعىرتۋ» ورتالىعى, №1 بالالار مۋزىكا مەكتەبىنىڭ ۇيىمداستىرۋىمەن, سوناۋ اقتوبەدەن ارنايى كەلگەن جەتەسوۆتەر وتباسىلىق كونتسەرتى ۇلكەن دەڭگەيدە ءوتتى. ينە شانشار ورىن جوق, زالداعى تولى كورەرمەننىڭ زور ىقىلاس, ريزاشىلىعىنا بولەندى دەسە ارتىق ايتقان بولماس. وزدەرىنىڭ ءۇش بالاسىمەن قوسا 18 بالانى (وزگە ۇلتتاردان دا بار) ۇلتتىق تاربيەگە, ونىڭ ىشىندە ونەرگە باۋلىپ, سونىڭ بيىك شىڭىنا شىعارۋ اركىمنىڭ قولىنان كەلمەس. مىنە, وسىنداي باتىر وتباسىنى ارنايى قۇتتىقتاۋعا پارلامەنت دەپۋتاتى, «اق جول» پارتياسىنىڭ مۇشەسى, اقىن قازىبەك يسانىڭ كەلىپ قۇتتىقتاپ, پارتيا اتىنان 21 بالانىڭ اكەسى ءومىرحاننىڭ كەۋدەسىنە توسبەلگى تاعۋىنىڭ ءوزى اتالعان ونەرپاز وتباسىعا ۇلكەن قۇرمەت بولدى», دەيدى ۇيىمداستىرۋشىلار.