قوس جوبانى قايتا قاراۋ قاجەت

كوميتەتتىڭ مالىمەتىنشە, «ديپ­لوم­مەن – اۋىلعا!» جوباسى ىسكە قو­سىلعان 12 جىلدىڭ ىشىندە 85 مىڭنان استام مامان 14,1 ملرد تەڭگە كولەمىندە جار­دەم­اقى العان. ال 40 مىڭنان استام ما­مانعا تۇرعىن ءۇي ساتىپ الۋ ءۇشىن 123,5 ملرد تەڭگە كولە­مىندە نەسيە بەرىلگەن.

«جەرگىلىكتى جەرلەردە دەنساۋلىق ساق­تاۋ, اگروونەركاسىپتىك كەشەن سالا­سىن­­داعى ماماندار مەن اكىم اپپاراتى قىزمەتكەر­لەرىنىڭ جەتىسپەۋشىلىگى باي­قا­لادى. ەكولوگ, اسپاز, دانەكەرلەۋشى, مەحانيزاتور ءبىر سوز­بەن ايتقاندا, كاسىپ­تىك-تەحنيكالىق ءبىلى­مى بار ما­ماندار قاجەت. الايدا, ولار جو­با­نىڭ تىزىمىنە كىرمەيدى. 2020 جى­لى اۋىل, كەنت, اۋىل­دىق وكرۋگ اكى­مى اپپاراتىنىڭ مەم­­لەكەتتىك قىز­مەت­شىلەرى تىزىمگە كىردى. الايدا ولار اۋدان اكىمدىگىنىڭ ما­مان­دارى تۋرالى ۇمىتىپ كەتكەن كورىنەدى», دەدى كومي­تەت مۇشەسى, ءماجىلىس دەپۋتاتى ءمادي احمەتوۆ.

دەپۋتات «ديپلوممەن – اۋىل­عا!» جو­باسىنا قاتىسپايتىن مونوقا­لالارعا دا توقتالدى. ول وبلىس ورتا­لىق­تارىنان 500 شاقىرىمنان استام قاشىقتىقتا ورنالاسقان دەرجاۆينسك جانە مام­ليۋت­كا قالالارىنداعى جاعدايدى مىسالعا كەلتىردى.

«بۇل قالالاردا «ديپلوممەن – اۋىل­عا!» جوباسىنا قاتىسۋعا مۇم­كىندىك جوق. جاس ماماندارعا كوتەرمە جار­دەم­اقى تولەنبەيدى جانە تۇرعىن ۇيگە بيۋد­جەت­تىك نەسيەلەر بەرىلمەيدى. سون­داي-اق جال­اقى جاقىن ماڭداعى اۋىل­مەن سا­لىستىرعاندا 25 پايىز­عا از. وسى­لاي­شا ازاماتتاردىڭ تەڭ مۇمكىندىك­تە­رى قا­عي­داتى جوعا­لادى», دەدى ءمادي احمەتوۆ.

سونىمەن قاتار پارتيالىق با­قى­ل­اۋ كوميتەتىنىڭ جۇمىس توبى 2020-2022 جىل­دارى «اۋىل – ەل بەسىگى» جوباسىنىڭ ىسكە اسىرىلۋىنا مونيتورينگ جۇرگىزۋ ماق­ساتىندا سولتۇستىك قازاقستان جانە اقمولا وبلىستارىندا تەكسەرۋ جۇرگىزدى.

سولتۇستىك قازاقستان وبلىسىنداعى 63 اۋىلدا 102 جوبانى جۇزەگە اسى­رۋعا 15,2 ملرد تەڭگە بولىنگەن. ەكى جىلدا 34 ءبىلىم بەرۋ, 10 دەنساۋلىق, 9 مادەنيەت نىسانى جانە 35 اۋىل­دا 226 شاقىرىمنان استام ىشكى جول جوندەلگەن. بۇل رەتتە بىرقاتار تۇيتكىلدى ماسەلە بار. ماسەلەن افون­كينو اۋىلىندا مەكتەپكە جۇر­گىزىلگەن كۇردەلى جوندەۋ جۇمىستارى كە­زىندە كوپ كەمشىلىكتەر بولعان.

اقمولا وبلىسىندا 41 جوبانى جۇزەگە اسىرۋعا 7,2 ملرد تەڭگە بولىن­گەن. الايدا كەستەدەن قالىپ قويۋىنا بايلانىستى سان­دىقتاۋ اۋىلىنداعى مەكتەپ پەن اۋداندىق اۋرۋحانا عيمارا­تىن كۇردەلى جوندەۋدەن وتكىزۋگە جانە اقمول اۋىلىندا دەنە شىنىق­تىرۋ ساۋىق­تىرۋ كەشەنىن سالۋعا بولىنگەن قاراجات يگەرىلمەي قالعان.

ۇلتتىق ەكونوميكا ۆيتسە-ءمينيسترى باۋىرجان وماربەكوۆتىڭ ايتۋىنشا, بيىل 576 اۋىلدا جوبالاردى ىسكە اسىرۋ­عا رەسپۋبليكالىق بيۋدجەتتەن 127,9 ملرد تەڭگە بولىنگەن. «قازىرگى ۋا­قىتتا تۇجىرىمدامالىق شەشىمدى قا­جەت ەتەتىن بىرقاتار ماسەلە بار. بۇگىندە ءتيىستى ۆەدومستۆوارالىق ۇيلەستىرۋ جۇ­مىستارى جوق. اۋىلدى دامىتۋ جو­نىن­دەگى ءىس-شارالار بىرنەشە ۇلتتىق جوبا شەڭ­بەرىندە ىسكە اسىرىلادى جانە جاۋاپتى مەملەكەتتىك ورگانداردىڭ قۇزى­رەتىن ءتيىستى ۇيلەستىرۋسىز, جۇيەلەن­دىر­مەي ەلدى مەكەندەردىڭ ءومىرى مەن ەكو­نوميكالىق بەلسەندىلىگىنىڭ ءار ءتۇر­­لى اسپەكتىلەرىنە باعىتتالعان. بۇدان باس­قا, بيۋدجەتتىك قارجىلاندىرۋ ءۇشىن جو­با­لار­دى ىرىكتەۋ تەتىگى رەتتەلمەگەن. جوبا­­لار­دى ىرىكتەۋدى نەگىزىنەن جەرگى­لىك­تى اتقا­رۋ­شى ورگاندار دەربەس, كەيدە قارجى­لان­دى­رۋ باعىت­تارى بويىن­شا ءتيىستى باسىم­دىق­سىز جۇزەگە اسى­را­دى. سونىمەن قاتار قولدا­نىستاعى اي­ماق­تىق ستاندارتتار جۇيەسى­نىڭ فور­ما­­تىن ساپالى ەتىپ جاڭارتۋ قاجەت», دەدى ول.

پارتيالىق باقىلاۋ كوميتەتىنىڭ تور­اعاسى ارتۋر پلاتونوۆتىڭ اي­تۋىن­شا, «اۋىل – ەل بەسىگى» جانە «ديپ­­لوم­مەن – اۋىل­عا!» جوبالارى بويىن­شا اقپاراتتىق قام­تاماسىز ەتۋ جۇ­مىس­­تارى ماردىمسىز. ول بۇل ولقى­لىق­تاردى تۇ­زەتەتىن ۋاقىت جەتكەنىن ايتتى.

ء«اربىر ەلدى مەكەننىڭ جانە ءاربىر ناقتى قاتىسۋشىنىڭ جەكە ەرەك­شە­لىك­تەرىن ەسكەرۋ قاجەت. جاس ماماندار ءۇشىن قاجەتتى ساپالى الەۋ­مەتتىك ينفرا­قۇرىلىم جوق. كوپتە­گەن قۇرىلىس جۇ­مى­سى ساپاسىز, ستان­دارت­تارعا ساي ورىن­دالماعان. تەك اقشا قۇرتۋ سياق­تى. بۇل جۇيەلى ءفور­ما­ليزمنىڭ جانە مەم­لە­كەتتىك باع­دار­لامالاردىڭ بەدەلىن ءتۇ­سىرۋ­دىڭ كورىنىسى», دەپ تۇيىندەدى ارتۋر پلاتونوۆ.