72 جاستاعى شەبەر-رەستاۆراتور سارسەنباي قوتىراشوۆ ۇلىتاۋدان پاۆلودارعا دەيىن جاياۋ ءجۇرىپ كەلگەن. وسىلايشا, قارت ساياحاتشى قازاقستاننىڭ 9-شى وبلىسىنا جاياۋ باردى, دەپ حابارلايدى Egemen.kz.
«بۇل ساپارعا شىعۋىمنىڭ ءۇش ماقساتى بار. بىرىنشىدەن, تۋعان جەرىم ۇلىتاۋدىڭ مادەني-تاريحي مۇراسىن ناسيحاتتايمىن. ەكىنشىدەن, قىمىزدىڭ پايدالى قاسيەتتەرىنە جۇرتشىلىقتىڭ نازارىن اۋدارعىم كەلەدى. ونىڭ ۇستىنە يۋنەسكو-مەن كەلىسىمىم بار. قازاقستاندى ارالاپ, مىڭنان استام قولونەرشىلەر تۋرالى مالىمەت جيناسام, ولار جەكە سايتقا ەنىپ, سول ارقىلى دۇنيەجۇزىنە تانىمال بولادى», دەيدى سارسەنباي قوتىراشوۆ جەرگىلىكتى باسىلىمعا بەرگەن سۇحباتىندا.
ساپارىن ۇلىتاۋدان باستاعان اقساقال ناۋرىز ايىنىڭ سوڭىنان بەرى جول ءجۇرىپ كەلەدى. وسى ۋاقىت ىشىندە ول اياق كيىمنىڭ بەس جۇبىن توزدىرىپ ۇلگەرگەن. دەسە دە, ول جولىنا ء«بىر تيىن» جۇمساماعانىنا ريزا.