ازيادا الدىڭعى قاتاردامىز

سپورتتى دامىتۋ ديرەكتسيا­سىنىڭ مالىمەتى بويىنشا قازاق­ستاندىق سپورتشىلار دەليدە ءتاۋىر ناتيجە كورسەتىپ, ءبىر التىن, ءبىر كۇمىس جانە ەكى قولا مەدال جەڭىپ العان. اتاپ ايتار بولساق, جاس­وسپىرىمدەر اراسىنداعى ءبىر شاقىرىم قاشىقتىقتى ۋاقىتقا جارىس باسەكەسىندە قازاقستاندىق كيريلل كۋرديدي الدىنا جان سال­عان جوق. چەمپيوننىڭ كور­سەتكىشى – 1:02.840 سەكۋند. وڭتۇس­تىككورەيالىق چون ۆۋ كيم كۇمىس, جاپونيالىق ۆەلوشاباندوز ميناتو ناكانيسي قولا جۇلدەگەر اتاندى.

ەكى وليمپيادادا باق سىناعان تاجىريبەلى وتانداسىمىز ارتيوم زاحاروۆ ومنيۋم باعدارلاماسىندا 123 بالل جيناپ, كۇمىس جۇلدە جەڭىپ الدى. بۇل سىندا جاپونيالىق سيۋنسۋكە يمامۋرا توپ جارسا (152 ۇپاي), مۇحاممەد گاندجحانلۋ 120 ۇپاي جيناپ, يران قورجىنىنا كەزەكتى قولا جۇلدەنى سالدى.

سونداي-اق ايەلدەر اراسىنداعى ومنيۋم جارىسىندا قازاقستاندىق ريناتا سۇلتانوۆا 121 ۇپايمەن ۇزدىك ۇشتىكتى تۇيىندەدى. جاپونيا سپورتشىسى تسۋياكو ۋچينو ازيا چەمپيونى اتانسا (139 ۇپاي), يندو­نەزيالىق دەليا ايۋستينا پرياتنا 123 ۇپايمەن ەكىنشى ورىنعا تابان تىرەدى.

ايتا كەتەيىك, ومنيۋمدى ۆەلو­ترەكتەگى كوپسايىس دەپ اتاۋعا بولادى. ياعني ۆەلوشاباندوزدار ءبىر كۇندە بىرنەشە باعدارلاما بو­يىنشا جارىسادى. ومنيۋمنان وليمپيادا جۇلدەسى العاش رەت 2012 جىلى لوندوندا ساراپقا سالىندى. 2016 جىلدان باستاپ كوپسايىستىڭ قۇرامىندا 4 باع­دارلاما قالدى. ولار: سكرەتچ (مۇن­دا مارەگە كىم ءبىرىنشى كەلسە, سول جەڭەدى), ۇپايعا تالاس, جان باعۋ ء(ار بەلگىلەنگەن اينالىمدا سوڭ­عى بولىپ مارە سى­زىعىن كەسكەن سپورتشى جارىس­تان شىعىپ وتى­رادى) مەن ءىز كەسۋ جارىسى. باي­قاعانىڭىزداي, ناتي­جەسىندە ەڭ كوپ ۇپاي جيناعان اتلەت جەڭىسكە جەتەدى.

ال كەيرين باسەكەسىندە ونەر كورسەتكەن وتانداسىمىز سەرگەي پونوماريوۆ ەل قورجىنىنا ەكىن­شى قولا جۇلدەنى سالدى. ول بۇل جارىس­تا كوحەي تەراساكي (جا­پونيا) مەن شاح-فيرداۋس مۇحام­مەد ساحرومعا (يندونەزيا) ەسە جىبەردى. وسى باع­دارلامادا جارىس جولىنا شىق­قان تاعى ءبىر قازاقستاندىق ان­درەي چۋگاي التىنشى ساتىعا جاي­عاستى.

كەيرين – وتكەن عاسىردىڭ ورتاسىنان باستاپ جاپونيادا قار­قىندى دامىعان ترەكتەگى ۆەلوجارىس ءتۇرى. سپورتشىلار 2 شا­قىرىمعا جا­رىسادى. ترەك­تەگى سىنعا ءبىر مە­زەتتە كەم دە­گەن­دە 6, ءارى كەتسە 9 سپورتشى شى­عادى. پوزيتسيا جەرە­بە ار­قى­لى انىقتالادى. ولار سورە­دە جان­كۇيەرلەرگە قا­راپ 2 رەت ءيىلىپ سالەم بەرۋى قا­جەت. ۆە­لوشا­بان­دوز­دار ءبىر جارىم شا­قىرىم بويى كوش باستاپ جۇ­رەتىن ارنايى ادام – پەيسەردىڭ سوڭىنان ەرىپ, وزىنە ىڭعايلى پوزيتسيا ءۇشىن تالاسادى. ال 500 مەتر قالعان كەزدە پەيسەر شەتكە شىعىپ, مارەگە دەيىن قىزۋ تالاس جۇرەدى. 2000 جىلدان باستاپ بۇل جارىس وليم­پيادا باعدارلاماسىنان تۇسكەن ەمەس.

ايتا كەتەيىك, ترەك پەن تاسجول­داعى ۆەلوسپورتتان قۇرلىق چەم­پيو­ناتى 2017 جىلدان باستاپ بو­لەك ۇيىمداستىرىلادى.