قازاقستاندا زەينەت جاسىنا تولۋىنا بايلانىستى اي سايىنعى ورتاشا تولەم 29 360 تەڭگە, ال ەڭ جوعارى تولەم 707 مىڭ تەڭگەدەن استى, دەپ حابارلايدى Egemen.kz.
«كىرىس اعىندارى, اتاپ ايتقاندا, جارنالار بيىل كوبەيدى. 2022 جىلدىڭ بەس ايىندا سالىمشىلاردىڭ شوتتارىنا شامامەن 661,9 ملرد تەڭگە كولەمىندە زەينەتاقى جارنالارى ءتۇستى, بۇل 2021 جىلدىڭ سايكەس كەزەڭىندەگى كورسەتكىشتەن 29% نەمەسە 147,2 ملرد تەڭگەگە كوپ. ءوسىم جارنالاردىڭ بارلىق ءتۇرى بويىنشا بولعانىن اتاپ ءوتۋ كەرەك. جارنالاردىڭ جالپى كولەمىنىڭ 95,1% مزج بويىنشا تۇسىمدەر قۇرايدى», دەپ مالىمدەدى بجزق ءباسپاسوز قىزمەتى.
جىل باسىنان بەرى سالىمشىلارعا 947,5 ملرد تەڭگە تولەندى. ونىڭ باسىم بولىگىن تۇرعىن ءۇي جاعدايىن جاقسارتۋ جانە ەمدەۋ ماقساتىنا ارنالعان بىرجولعى زەينەتاقى تولەمدەرى قۇرادى.
«بجزق-دان كەستە بويىنشا زەينەت جاسىنا تولۋىنا بايلانىستى اي سايىنعى ورتاشا تولەم 29 360 تەڭگە, ال اي سايىنعى ەڭ جوعارى تولەم 707 326 تەڭگە بولدى», دەلىنگەن حابارلامادا.