ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتر ەنەرگەتيكاسى, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ, جەر قويناۋىن پايدالانۋ, جەرگىلىكتى مەملەكەتتىك باسقارۋ جانە مەملەكەتتىك شەكارا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسىنا سەنات ەنگىزگەن وزگەرىستەر مەن تولىقتىرۋلار قارالدى, دەپ حابارلايدى Egemen.kz.
قۇجاتقا ەنگىزىلگەن وزگەرىستەردى ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى, دەپۋتات دۇيسەنباي تۇرعانوۆ تانىستىردى.
اتالعان قۇجاتتا پاتەر يەلەرى كووپەراتيۆتەرى مەن كوندومينۋيمداردىڭ ورنىنا م ۇلىك يەلەرى بىرلەستىكتەرى مەن جاي سەرىكتەستىكتەر قىزمەتىن ەنگىزۋ شاراسىن كەلەسى جىلعا قالدىرۋ ۇسىنىسى بار.
جاڭا وزگەرىستەر مەن تولىقتىرۋلار ەنگىزىلگەن قاۋلىنى ءماجىلىس دەپۋتاتتارى ءبىراۋىزدان قابىلدادى.
سونداي-اق پالاتا توراعاسى ەرلان قوشانوۆ ۇكىمەتكە ماجىلىستە قارالماعان كەيبىر نورمالاردى سەناتقا اپارىپ, قايتا الىپ كەلۋدى دوعارۋ كەرەكتىگىن قاداپ ايتتى.