ەلوردادا تاماقتان ۋلانعان 18 ادام اۋرۋحانادا جاتىر, دەپ حابارلايدى Egemen.kz قالالىق قوعامدىق دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەمە جاساپ.
«استان ۋلانۋ فاكتىسىمەن 101 ادام مەديتسينالىق كومەككە جۇگىندى. قازىر 18 ادام ستاتسيونارلىق ەم قابىلداپ جاتىر, ونىڭ ىشىندە 1 ەرەسەك جانە 17 بالا بار. ودان بولەك 83 ادام امبۋلاتوريالىق دەڭگەيدە ەم قابىلداۋ ۇستىندە. ال اۋرۋحانادان جازىلىپ شىققان ادام سانى - 53 ادام», دەلىنگەن ۆەدومستۆو حابارلاماسىندا.
حابارلامادا كورسەتىلگەندەي, ناۋقاستاردىڭ جالپى جاعدايى قالىپتى.
ەسكە سالا كەتسەك, 13 ماۋسىم كۇنى ەلوردادا 64 تۇرعىنى تاماقتان ۋلاندى. بۇكىل ناۋقاس ءوز اۋرۋلارىن ەلوردانىڭ قوعامدىق تاماقتانۋ ورىندارىنىڭ بىرىندە تاماق ونىمدەرىن تۇتىنۋمەن بايلانىستىرعان.