پرەزيدەنت قاسىم-جومارت توقاەۆ قاتار ءامىرى تاميم بەن حاماد ءال ءتانيدىڭ جەكە شاقىرۋىمەن «جاھاندىق ەكونوميكانى قالىپقا كەلتىرۋدە تەڭدىككە قول جەتكىزۋ» اتتى ەكىنشى قاتار ەكونوميكالىق فورۋمىنىڭ اشىلۋ راسىمىنە قاتىستى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
اتالعان ماڭىزدى ءىس-شارا «Bloomberg» اگەنتتىگىنىڭ قولداۋىمەن ۇيىمداستىرىلدى جانە شەيح تاميم بەن حاماد ءال ءتانيدىڭ قامقورلىعىمەن وتكىزىلىپ وتىر.
فورۋم «مەملەكەتتەردىڭ ەكونوميكالىق داعدارىستان شىعۋ ماسەلەسى» تاقىرىبىنا ارنالعان.
فورۋم جۇمىسىنا مەملەكەت باسشىسىنان بولەك توگو پرەزيدەنتى فور گناسسينگبە, ناميبيا پرەزيدەنتى حاگە گەينگوب, گرۋزيانىڭ پرەمەر-ءمينيسترى يراكلي گاريباشۆيلي, سونداي-اق ەۋروپا, ازيا جانە افريكا ەلدەرىنىڭ بىرقاتار ءمينيسترى مەن ۇكىمەتتەرىنىڭ لاۋازىمدى تۇلعالارى قاتىسادى.
سونىمەن قاتار فورۋم سەسسيالارىنا Honeywell, Asyad Group, يسلام دامۋ بانكى, Tesla, Qatar Airways, The Boeing Company, QatarEnergy, Kuwait Petroleum Corporation, Southwest Holdings, Accor, Marriott International, Tingo, National Petroleum Corporation of Namibia, MeTL Group, Volkswagen, Dorna Sports, International Airlines Group, Infarm, Vitol, Franklin Templeton, تhyssenkrupp, Roubini Macro Associates, DAMAC Properties, Trip.com Group, Standard Chartered, Exxon Mobil Corporation, Google Cloud جانە باسقا دا حالىقارالىق جەتەكشى كورپوراتسيالار مەن ۇيىمداردىڭ باسشىلارى جينالدى.
فورۋمدى قاتار ءامىرى تاميم بەن حاماد ءال ءتاني اشتى.
پرەزيدەنت قاسىم-جومارت توقاەۆ «In Conversation with President Tokayev» اتتى ارنايى پانەلدىك سەسسياعا قاتىسادى دەپ جوسپارلانعان. ونى «Bloomberg Television» جۇرگىزۋشىسى مانۋس كرەنني جۇرگىزەدى.
قاتار ەكونوميكالىق فورۋمىنىڭ قورىتىندىسى بويىنشا جاھاندىق ءوسىمنىڭ كەلەسى كەزەڭىنىڭ جوسپارى ازىرلەنىپ, پاندەميادان كەيىنگى الەمدى قالىپتاستىرۋ ءۇشىن ناقتى شەشىمدەر ۇسىنۋ كوزدەلىپ وتىر.
ايانا توعانبەك