نۇر-سۇلتان قالاسىنىڭ اۋماعىندا «قاراسورا» رەسپۋبليكالىق جەدەل الدىن الۋ ءىس-شاراسى اياسىندا اسا ءىرى كولەمدە ەسىرتكى وتكىزۋمەن اينالىساتىن كۇدىكتىلەردى ۇستاۋ بويىنشا ارنايى وپەراتسيا جۇرگىزىلدى, دەپ حابارلايدى Egemen.kz قالالىق پد ءباسپاسوز قىزمەتىنە سىلتەمە جاساپ.
«پەتروۆ كوشەسىندە ەلوردانىڭ 50 جاستاعى تۇرعىنى ۇستالدى. ايەل ادامنىڭ جەكە زاتتارىن ءتىنتۋ بارىسىندا سومكەسىنەن سالماعى 400 گرامم بولاتىن ساتۋعا دايىندالعان گاشيش جانە ماريحۋانا تابىلدى. ودان ءارى پاتەردى ءتىنتۋ بارىسىندا ونىڭ 47 جاستاعى كۇيەۋى ۇستالدى. ول ءوز ەركىمەن بالكوندا ساقتالعان 10 كگ جۋىق گاشيش جانە 1,5 كگ جۋىق ماريحۋانانى بەردى», دەلىنگەن حابارلامادا.
سونداي-اق, بوتالى كوشەسىنىڭ بويىندا وتباسىلىق جۇپتىڭ سىبايلاسى بولعان 25 جاستاعى ەر ادام ۇستالعان.
«ونى جەكە جانە اۆتوكولىگىن ءتىنتۋ بارىسىندا ماريحۋانا تاركىلەندى. تاركىلەنگەن ەسىرتكىنىڭ جالپى سالماعى 11 كيلوگرامنان استام», دەلىنگەن حابارلامادا.
اتالعان فاكتى بويىنشا قر قك 297-بابى 3-بولىگى «ەسىرتكى زاتتاردى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ» بويىنشا سوتقا دەيىنگى تەرگەۋ ءجۇرىپ جاتىر. ۇستالعاندار 12 جىلعا دەيىن باس بوستاندىعىنان ايىرىلۋى مۇمكىن.