پاكىستان تۇرعىندارىنا ەندى شايدى ادەتتەگىدەن از ىشۋگە تۋرا كەلەدى. جەرگىلىكتى بيلىكتىڭ پىكىرىنشە, وسىلايشا حالىق ەل ەكونوميكاسىنا قولداۋ كورسەتە الادى, دەپ حابارلايدى Egemen.kz «حابار 24» تەلەارناسىنا سىلتەمە جاساپ.
پاكىستان - الەمدە شايدىڭ ەڭ ءىرى يمپورتتاۋشىنىڭ ءبىرى. ماسەلەن, بىلتىر بيۋدجەتتەن وعان 600 ميلليون دوللار جۇمسالىپتى. بۇل سۋسىندى تۇتىنۋ مولشەرىن ازايتۋدان بولەك بيلىك قوعامدىق تاماقتانۋ ورىندارىنىڭ يەلەرىنە ەلەكتر قۋاتىن ۇنەمدەۋگە كەڭەس بەردى. ويتكەنى ينفلياتسيانىڭ جىلدىق دەڭگەيى 14 پروتسەنتكە جۋىقتاعان. سالدارىنان تۇرمىستىق تاۋارلار, كيىم-كەشەك, دەنساۋلىق ساقتاۋ قىزمەتى, ءتىپتى ىشىمدىك پەن شىلىم باعاسى دا كۇرت وسكەن. مامىردان بەرى بيلىك جانارماي قۇنىن ەكى رەت كوتەردى.