اتىراۋ قالاسىنىڭ ىرگەسىندەگى ەركىنقالا اۋىلىنا بارار جولدا ءار كۇنى ءتۇرلى ءىس-شارا وتەتىن ەتنوپارك اشىلدى. ەتنوپاركتى كاسىپكەر گۇلجان قوزەكەشەۆا Nurly tal دەپ اتاعان. ونى اشۋ جونىندەگى يدەيا بەس جىل بۇرىن تۋىنداپتى.
اكىمدىك ەتنوساياباق ءۇشىن 2 گەكتار جەر تەلىمىن بولگەن. جوبانىڭ قۇنى – 280 ملن تەڭگە. كونە عاسىرلار كۇمبىرىنەن سىر شەرتكەندەي ساۋلەتى بار ەتنوپارككە كەلۋشىلەر قولونەر بۇيىمدارىن تاماشالاي الادى. التىباقاندا تەربەلىپ, ۇلتتىق تاعامدار ۇسىناتىن «ۇيشىك» مەيرامحاناسىنان ءدام تاتادى. بالالارعا ارنالعان «قاراۋىلتوبە» ويىن الاڭى بار. ال «ماحاببات الاڭىندا» جاس جۇبايلار ءۇشىن ۇلتتىق سالت-ءداستۇردى كورسەتەتىن جورالعىلار ۇيىمداستىرىلادى.
– ءبىز كۇن سايىن ءارتۇرلى ءىس-شارا وتكىزەمىز. ماسەلەن, سەيسەنبىنى قورشاعان ورتانى قورعاۋعا ارناۋدى كوزدەدىك. بۇل كۇنگى وتەتىن ءىس-شارالار تابيعاتتىڭ تازالىعىن ساقتاۋعا باعىتتالادى. سارسەنبىدەگى باعدارلامانىڭ بارلىعى بالالارعا ارنالادى. بەيسەنبىدە وتاندىق تاۋار وندىرۋشىلەردىڭ جارمەڭكەسى وتەدى. جۇما كۇنى قالا تۇرعىندارى مەن قوناقتارى ءۇشىن كونكۋرستار, كونتسەرتتىك باعدارلامالار ۇسىنىلادى. سەنبى – وتباسىلىق كۇن, جەكسەنبى – جاستار كۇنى, – دەيدى گۇلجان قوزەكەشەۆا.
ونىڭ ايتۋىنشا, ەتنوپاركتە جەرگىلىكتى قولونەرشىلەرگە ءوز تاۋارىن ساتۋعا ورىن بەرىلمەك. سونداي-اق ءتورت ت ۇلىك كورمەسىن ۇيىمداستىرۋ جوسپارلانىپ وتىر.
– جەرگىلىكتى كاسىپكەرلەرمەن كەلىسسوز جۇرگىزىپ جاتىرمىز. ءوز كاسىبىن جاڭادان باستاعاندار مەن جاس قولونەرشىلەرگە قولداۋ كورسەتەمىز. ولار ەتنوساياباقتا وتەتىن جارمەڭكەلەرگە قاتىسا الادى, – دەيدى ەتنوپارك ديرەكتورى.
اتىراۋ وبلىسى