قاسىم-جومارت توقاەۆ ۆلاديمير ءپۋتيننىڭ شاقىرۋىمەن پەتەربۋرگ حالىقارالىق ەكونوميكالىق فورۋمىنىڭ 25 جىلدىعىنا ارنالعان جيىنعا قاتىسۋ ءۇشىن سانكت-پەتەربۋرگكە باردى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەرتەڭ تۇسكە دەيىن مەملەكەت باسشىسى تاتارستان پرەزيدەنتى رۋستام ميننيحانوۆپەن جانە باشقۇرتستان باسشىسى رادي حابيروۆپەن ەكىجاقتى كەزدەسۋلەر وتكىزەدى.
تۇستەن كەيىن قاسىم-جومارت توقاەۆ پەتەربۋرگ حالىقارالىق ەكونوميكالىق فورۋمىنىڭ پلەنارلىق وتىرىسىنا قاتىسادى.
سونىمەن قاتار رەسەي پرەزيدەنتى ۆلاديمير پۋتينمەن ەكىجاقتى كەزدەسۋ وتەدى دەپ جوسپارلانعان.
ايانا توعانبەك