قاسىم-جومارت توقاەۆ «روسسيا 24» تەلەارناسىنا بەرگەن سۇحباتىندا قازاقستاندا ۇلكەن ساياسي رەفورمالار باستالعانىن ايتتى, دەپ حابارلايدى Egemen.kz.
ونىڭ ايتۋىنشا, «الدىمەن ەكونوميكا - سودان سوڭ ساياسات» فورمۋلاسى توقسانىنشى جىلداردىڭ باسىندا وتە پايدالى بولدى.
«ادامداردىڭ ازاماتتىق بەلسەندىلىگىن ارتتىرۋ ءۇشىن ساياسي وزگەرىستەر جاساۋىمىز كەرەك ەكەنىن ءتۇسىندىم. بۇل قوعامنىڭ ۇلكەن سۇرانىسى بولدى», دەدى قاسىم-جومارت توقاەۆ.
سونداي-اق ول قازاقستاندا ۇلكەن ساياسي رەفورمالار باستالعانىن ايتتى.
«2019 جىلى ءبىز بەيبىت جينالىستار تۋرالى زاڭدى ازىرلەۋگە كىرىستىك. سودان سوڭ, ايەلدەر ءۇشىن 30% كۆوتا ەنگىزىلدى. پارلامەنتتىك رەفورما باستالىپ, رەفەرەندۋم وتكىزىلدى. بۇل - ساياسي قۇرىلىمدى وزگەرتۋ ماقساتىندا باستالعان ناۋقان. مەن وركەنيەتتى پرەزيدەنتتىك جۇيەگە كوشۋدى قاجەت دەپ سانادىم. وندا ىقپالدى پارلامەنت ءتيىستى ورىن الادى, اتقارۋشى بيلىك ءوز ءرولىن اتقارادى جانە پارلامەنت ءوز حالقى الدىندا تولىق ەسەپ بەرەدى», دەي كەلە پرەزيدەنت تومەنگى پالاتاعا كەلەسى سايلاۋ مۇلدەم جاڭا ەرەجەلەر بويىنشا وتەتىنىن ءسوز ەتتى.