وسكەمەندە پرومىشلەننايا كوشەسىندە ورنالاسقان تۇرعىن ۇيدەن ءورت شىقتى, دەپ حابارلايدى Egemen.kz.
ءورت پاتەردىڭ قوناق بولمەسىن شارپىعان. سالدارىنان ۇيدەگى تۇرمىستىق تەحنيكالار, جيھازدار تۇگەل جانىپ كەتكەن.
«اپاتتار مەديتسيناسى ورتالىعىنىڭ قىزمەتكەرلەرى 2014 جانە 2011 جىلعى ەكى بالا مەن ولاردىڭ 1959 جىلعى اجەسىنە العاشقى كومەك كورسەتىپ, ۋلانۋ بەلگىلەرىمەن اۋرۋحاناعا جەتكىزدى. ءورت سوندىرۋشىلەر جالپى اۋدانى 20 شارشى مەتر اۋماقتى جاندىرعان ءتىلسىز جاۋدى تولىقتاي اۋىزدىقتادى», دەلىنگەن اقپاراتتا.
بەلگىلى بولعانداي, ءورت روزەتكادان شىققان. بۇعان ەلەكتر جابدىقتارىن مونتاجداۋ جانە پايدالانۋ كەزىندە قاۋىپسىزدىك تالاپتارىن ساقتاماۋ سەبەپ بولىپ وتىر.
ايانا توعانبەك