الماتىدا «تسيفرلى تەڭىزشەۆرويل-2022» فورۋمى ءوتتى. فورۋمنىڭ ماقساتى – تسيفرلاندىرۋدى دامىتۋ جانە ودان ءارى ىنتىماقتاستىق ورناتۋ ءۇشىن جاڭا قازاقستاندىق ءىت-كومپانيالاردىڭ مۇمكىندىگىن قاراستىرۋ.
فورۋم جۇمىسىنا ەنەرگەتيكا ۆيتسە-ءمينيسترى جانات جاحمەتوۆا قاتىسىپ, قازاقستان ۇكىمەتى تاراپىنان ەنەرگەتيكا سالاسىن تسيفرلاندىرۋعا جانە قازاقستاندىق قامتۋدى دامىتۋعا ەرەكشە نازار اۋدارىلىپ وتىرعانىن جەتكىزدى. ول ءوز سوزىندە تشو-نىڭ تسيفرلاندىرۋعا دەگەن سىندارلى كوزقاراسىنىڭ تابىستى بولۋى ءىت ماماندارى جۇمىسىنىڭ بيزنەس-مىندەتتەردى شەشۋگە باعىتتالۋىندا بولىپ وتىرعانىن, بۇل فورۋم وتاندىق ءىت كومپانيالار مەن جەر قويناۋىن پايدالانۋشىلاردىڭ اراسىنداعى ىنتىماقتاستىقتى جولعا قويۋعا سەپتىگىن تيگىزەتىنىنە ۇمىتتەنەتىنىن جەتكىزدى.
كومپانيا ماماندارى فورۋم قاتىسۋشىلارىنا تەڭىز كەن ورنىندا ءساتتى ەنگىزىلگەن يننوۆاتسيالىق تەحنولوگيالار تۋرالى ايتىپ بەردى. ماسەلەن, تشو-نىڭ بارلىق اۆتوكولىك پاركى كولىك قاۋىپسىزدىگى ينتەللەكتۋالدى جۇيەسىمەن قامتىلعان. ول دىبىستىق سيگنال بەرۋ ارقىلى جۇرگىزۋشىنىڭ شارشاۋ دەڭگەيىن باقىلاۋعا مۇمكىندىك بەرەدى. بۇل ءوز كەزەگىندە جازاتايىم وقيعالاردى ازايتۋعا جانە قىزمەتكەرلەر قاۋىپسىزدىگىن قامتاماسىز ەتۋگە ىقپال ەتەدى.
2020 جىلى كەشەندى تەحنولوگيالار جەلىدە (كتج) ۆيرتۋالدى زاۋىت (Virtual Plant) شەشىمى كومەگىمەن ناقتى ۋاقىت رەجىمىندە بۇكىل زاۋىتتاعى باقىلاۋ-ولشەۋ جابدىقتارىنىنىڭ دەرەكتەرى بىرىكتىرىلدى. ناتيجەسىندە, سۇيىتىلعان كومىرسۋتەكتى گاز (سكگ) ءوندىرىسى كولەمى ۇلعايتىلدى. تسيفرلى تەحنولوگيالاردى قولدانۋ ارقىلى تەڭىزدە سكگ ءوندىرىسىن ۇلعايتۋ ورەس+ شەكتەۋلەرىنىڭ ورنىن تولتىرۋعا كومەكتەستى. سونىمەن قاتار قيىندىقتاردى مۇمكىندىكتەرگە اينالدىرۋعا, تسيفرلى شەشىمدەر ارقىلى قۇندىلىقتى قۇرۋ تىزبەگىن وڭتايلاندىرۋعا جانە وزگەرىستەرگە جىلدام ارەكەت ەتۋگە مۇمكىندىك بەردى.
سونداي-اق كاسىپورىن قازاقستاندىق قامتۋدى دامىتۋ جونىندەگى ماماندارى تشو قامتۋشىسى بولۋ ءۇشىن ءىت كومپانيالار قانداي قادامدار جاساۋ كەرەكتىگىنە توقتالدى. فورۋمدا كاسىپورىننىڭ تەحنيكالىق (تەحنيكالىق مەنەدجەر, NET ازىرلەۋشىلەرى, DevOps ينجەنەرلەرى, QA تەستەرلەرى) جانە تەحنيكالىق ەمەس (وزگەرىستەردى باسقارۋ ماماندارى, بيزنەس-اناليتيكتەر (Business Analyst, Proxy Product Owners), ءارى Low Code ازىرلەۋشىلەرى (PowerApps, PowerBI) رولدەرىن ورىنداۋعا قابىلەتتى ءىت مامانداردى قابىلداۋعا مۇددەلى ەكەندىگى ايتىلدى.
«قازاقستاندىق قامتۋدى ارتتىرۋ – تشو-نىڭ باسىم باعىتتارىنىڭ ءبىرى. ءبىز ءۇشىن وتاندىق كومپانيالارىمەن بىرگە جۇمىس ىستەپ, ولاردىڭ دامۋىنا كۇش-جىگەر جۇمساۋ ماڭىزدى. ءبىزدىڭ ماقساتىمىز – ءىT ماماندارىنىڭ ۇلەسىن بارىنشا ارتتىرۋ. سول سەبەپتى فورۋم قارساڭىندا «تسيفرلى تەڭىزشەۆرويل – 2022» اتتى حاكاتون شاراسىن وتكىزدىك. بەرىلگەن ماسەلەنىڭ وڭتايلى شەشىمىن تاپقان كوماندالار تشو-مەن كەلىسىمشارتقا وتىرۋ مۇمكىندىگىنە يە بولدى», دەپ اتاپ ءوتتى تشو-نىڭ تسيفرلاندىرۋ بويىنشا چەمپيونى مارات قۋاتوۆ
ايتا كەتەتىن جايت, حاكاتونعا قازاقستاننىڭ تۇكپىر-تۇكپىرىنەن 30-عا جۋىق كوماندا قاتىستى. قازىلار القاسى مۇشەلەرىنىڭ ءبىرى, تشو-نىڭ تسيفرلاندىرۋ جونىندەگى كەڭەسشىسى ازيدوللا قيسمەتوۆتىڭ ايتۋىنشا, شەشىم عانا ەمەس, سونىمەن قاتار كومپانيانىڭ جالپى دايارلىعى مەن قۇزىرەتتىلىگىنىڭ دەڭگەيى باعالاندى.