ءوزىنىڭ جەكە زەينەتاقى شوتىنان ءۇزىندى كوشىرمە الۋ – بجزق سالىمشىلارىنىڭ زاڭ جۇزىندە بەكىتىلگەن قۇقىعى, دەپ حابارلايدى Egemen.kz قوردىڭ ءباسپاسوز قىزمەتىنە سىلتەمە جاساپ.
«زەينەتاقى جيناقتارىنىڭ جاي-كۇيى تۋرالى اقپاراتتى كەلەسى تاسىلدەرمەن الۋعا بولادى: ەلەكتروندىق تاسىلمەن:
- بجزق-عا ۇسىنىلعان ەلەكتروندىق پوشتا ارقىلى;
- جەكە كابينەت ارقىلى;
- بجزق كەڭسەسىنە تىكەلەي ءوزى كەلگەندە;
- پوشتا بايلانىسى ارقىلى», دەپ جازدى ۆەدومستۆو.
بارىنەن دە enpf.kz سايتى نەمەسە بجزق ءموبيلدى قوسىمشاسىنداعى جەكە كابينەت ارقىلى حابارلاۋ ءادىسى ەڭ كوپ سۇرانىسقا يە. بۇل حابارلاۋ ءتاسىلىن 6,3 ملن-نان استام جزش يەسى پايدالانعان. اتالعان كورسەتكىش 2014 جىلمەن سالىستىرعاندا 20 ەسەگە ارتىق.
«زەينەتاقى جيناقتارىنىڭ احۋالى تۋرالى اقپاراتتى قاشىقتان الۋدىڭ تاعى ءبىر فورماتى – سالىمشى ءوزى تاڭداعان كەستەگە سايكەس (اي سايىن, توقسان سايىن, جارتى جىلدا ءبىر رەت نەمەسە جىل سايىن) بجزق-عا ۇسىنعان مەكەنجايعا جزش-دان ءۇزىندى-كوشىرمە الۋ. بيىلعى ەكىنشى جارتىجىلدىقتا 800 مىڭعا جۋىق ادام حابارلاۋدىڭ وسى ءتاسىلىن تاڭدادى. مامىر ايىنان باستاپ زەينەتاقى جارنالارىنىڭ بارلىق ءتۇرى بويىنشا جزش ءوتىنىشسىز اشىلۋدا. جزش اشقان كەزدە بجزق-نىڭ زەينەتاقى جيناقتارىنىڭ جاي-كۇيى تۋرالى اقپارات بەرۋ ءتاسىلى «بجزق-عا ءوزى كەلىپ ءوتىنىش جاساعان كەزدە» دەپ اۆتوماتتى تۇردە بەلگىلەنەدى, ونى سالىمشى (الۋشى) ءوز بەتىنشە وزگەرتۋگە قۇقىلى», دەپ ءتۇسىندىردى قوردىڭ ءباسپاسوز قىزمەتىنەن.
ونداعى جازباعا قاراعاندا, اقپارات الۋ ءتاسىلىن انىقتاۋ نەمەسە وزگەرتۋ ماقساتىندا سالىمشى ءتيىستى كەلىسىمدى بجزق كەڭسەسىندە نەمەسە بجزق سايتىندا جاساۋى قاجەت.
ايتا كەتەيىك, بجزق سايتىندا ءبىر عانا – «جەكە كابينەت ارقىلى» حابارلاۋ ءادىسىن تاڭداۋعا بولادى; سالىمشى ەتسق-نى پايدالانا وتىرىپ, زەينەتاقى جيناقتارىنىڭ جاي-كۇيى تۋرالى اقپاراتتى بجزق-نىڭ سايتى مەن ءموبيلدى قوسىمشاسى جانە ەلەكتروندىق ۇكىمەت ارقىلى كەلىسىم جاساسپاي-اق الا الادى.
«بولىمشەگە كەلىپ تىكەلەي اقپارات الۋ ءتاسىلى ءالى دە تانىمالدىعىن جوعالتقان جوق. بجزق كەڭسەلەرىندە 3,1 ميلليوننان استام سالىمشى جەكە زەينەتاقى شوتىنان ءۇزىندى كوشىرمە الدى. ءداستۇرلى پوشتا بايلانىسى ارقىلى جزش-دان ءۇزىندى كوشىرمەسىن الۋدى ءجون كورەتىن سالىمشىلاردىڭ (الۋشىلاردىڭ) سانى ايتارلىقتاي ازايعان – شامامەن 1 ملن. ماسەلەن, 2014 جىلدىڭ ماۋسىمىندا بۇل كورسەتكىش 4 ملن-عا جەتىپ, قازىرگىدەن 4 ەسە كوپ بولاتىن. ايتا كەتەرلىگى, ەگەر سالىمشى وسىنداي حابارلاۋ ءتاسىلىن تاڭداسا, بجزق مىندەتتەمەلەرىن ورىنداۋعا اسەر ەتەتىن بارلىق وزگەرىستەردى, ونىڭ ىشىندە تۇرعىلىقتى مەكەنجايىنىڭ وزگەرگەنى تۋرالى حاباردى كۇنتىزبەلىك 10 كۇن ىشىندە قورعا حابارلاۋى قاجەت», دەدى ۆەدومستۆودان.