سەنات توراعاسى ماۋلەن اشىمباەۆتىڭ توراعالىق ەتۋىمەن بيۋرو وتىرىسى بولدى. وندا پالاتانىڭ الداعى وتىرىسىنىڭ كۇن ءتارتىبى بەكىتىلدى, دەپ حابارلايدى Egemen.kz.
دەپۋتاتتار 16 ماۋسىمدا, بەيسەنبى كۇنى سەنات وتىرىسىندا قازاقستان رەسپۋبليكاسىنىڭ ۇكىمەتى مەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2021 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن تىڭدايدى.
سەناتورلار پالاتانىڭ الداعى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەلەكتر ەنەرگەتيكاسى, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ, جەر قويناۋىن پايدالانۋ, جەرگىلىكتى مەملەكەتتىك باسقارۋ جانە مەملەكەتتىك شەكارا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا قارايدى. قۇجاتتا ەلەكتر ستانتسيالارىندا گاز قوندىرعىلارىن سالۋ جونىندەگى ينۆەستيتسيالىق جوبالاردى ىسكە اسىرۋ ءۇشىن قۇقىقتىق بازا جاساۋ كوزدەلىپ وتىر.
بيۋرو مۇشەلەرى ءماجىلىس بۇرىن ماقۇلداعان زاڭ جوبالارى بويىنشا جۇمىستى ودان ءارى جالعاستىرۋ ءۇشىن سەناتتىڭ تۇراقتى كوميتەتتەرىنە ءبولىپ بەردى.