ۇبت-دان 139 ۇپاي جيناعان ەكى تۇلەكتىڭ ناتيجەسى جويىلدى. بۇل تۋرالى قر بعم «ۇلتتىق تەستىلەۋ ورتالىعى» رمقك ديرەكتورى رۋسلان ەمەلباەۆ الەۋمەتتىك جەلىدە مالىمدەدى, دەپ جازادى Egemen.kz.
ونىڭ ايتۋىنشا, تالاپكەرلەردىڭ بەينەجازبالارىن قايتا تەكسەرۋ بارىسىندا ەرەجە بۇزۋ فاكتىلەرى انىقتالعان.
«سىزدەر ۇبت-دا ءوز بىلىمدەرىڭىزبەن جوعارى ۇپاي جيناساڭىزدار, ءبىز قاتتى قۋانامىز. بىراق اكادەميالىق ادالدىق قاعيدالارىن ساقتاماي, وڭاي تاپسىرۋ جولدارىنا جۇگىنەتىن تالاپكەرلەر بار. سوندىقتان سىزدەرگە قۋانىشتى جاڭالىقتى ايتار الدىندا قوسىمشا تەكسەرىس جۇرگىزۋدى ءجون كوردىك. وكىنىشكە قاراي, تالاپكەرلەردىڭ بەينەجازبالارىن قايتا تەكسەرۋ بارىسىندا ەرەجە بۇزۋ فاكتىلەرى انىقتالدى. ءتيىستى شارالار قولدانىپ, تۇلەكتىڭ ۇپايىن جويدىق.
قۇرمەتتى تالاپكەرلەر! ءوزىڭىزدى دە, وزگەلەردى دە الداۋدىڭ قاجەتى جوق. ەڭ دۇرىسى ارماندارىڭىزعا ادال جولمەن جەتىڭىزدەر. ۇبت-2022-دە تەرەڭ ءبىلىمىنىڭ ارقاسىندا 140 ۇپاي جينايتىن تەست تاپسىرۋشى تابىلادى دەپ سەنەمىز. ول ءدال ءسىز بولۋىڭىز مۇمكىن, ءبىز ءسىزدى كۇتەمىز!», دەدى ەمەلباەۆ.
سونداي-اق ول ءدال قازىر 100-دەن اسا جوعارى ۇپاي جيناعان تالاپكەرلەردىڭ بەينەجازباسى قوسىمشا تەكسەرىستەن وتكىزىلىپ جاتقانىن اتاپ ءوتتى.