جاپونيا ەكى جىلدان كەيىن شەتەلدىك تۋريستەرگە ەلگە كىرۋگە رۇقسات بەردى, دەپ حابارلايدى Egemen.kz جاپونيانىڭ تۋريزم باسقارماسىنا سىلتەمە جاساپ.
جاڭا ەرەجەلەر اياسىندا تەك ءۇش ساناتتاعى مەملەكەتتەن كەلگەن قوناقتار عانا ەلگە كىرە الادى. «كوك» ساناتتاعى ەلدەر تىزىمىنە COVID-19 تارالۋىنىڭ جاعدايى تۇراقتى مەملەكەتتەر كىرەدى. جالپى العاندا, بۇل توپقا 98 مەملەكەت ەنگەن. ولاردىڭ ازاماتتارى كارانتيننەن بوساتىلادى جانە پتر تەستىنىڭ تەرىس ناتيجەسىن كورسەتۋگە ءتيىس.
«سارى» ساناتتاعى توپقا كىرەتىن ەلدەردىڭ ازاماتتارىنان كوروناۆيرۋسقا قارسى ۆاكتسينانىڭ ءۇش دوزاسىن العانى تۋرالى سەرتيفيكات تالاپ ەتىلەدى. بۇل جاعدايدا «سارى» توپ ەلدەرىنىڭ ازاماتتارى مىندەتتى كارانتيننەن بوساتىلادى جانە پتر-تەست تالاپ ەتىلمەيدى.
«قىزىل» ساناتتاعى توپقا COVID-19 تارالۋ قاۋپى جوعارى ەلدەر كىرەدى. بۇل ەلدەردىڭ ازاماتتارى جاپونياعا تەرىس پتر-تەستپەن عانا كەلە الادى. ولاي بولماعان جاعدايدا كارانتينگە جىبەرىلەدى.