بۇل ايىپتالۋشى تاراپتىڭ وسىمەن ەكىنشى نارازىلىعى. بۇعان دەيىن, ياعني 26 مامىرداعى سوت وتىرىسىندا «تەرگەۋدە ولقىلىق جىبەردى» دەپ ەكى پروكۋروردى ىستەن الاستاتۋدى سۇراعان بولاتىن. ول ارىزى قاناعاتتاندىرىلعان جوق. ءىستى باسقا سۋديا جۇرگىزسىن دەگەن تالابى دا ورىندالمادى, دەپ جازادى Egemen.kz «استانا» ارناسىنا سىلتەمە جاساپ.
ەلجان بىرتانوۆقا اۋەلى ء«ىرى كولەمدە بيۋدجەت قارجىسىن تالان-تاراجعا سالدى» دەگەن ايىپ تاعىلعان. كەيىننەن دەنساۋلىق ساقتاۋ مينيسترلىگىنىڭ اقپاراتتاندىرۋ پلاتفورماسىن جارامسىز بولسا دا قابىلداپ, «ىسكە قوسقانى ءۇشىن» دە جاۋاپ بەرۋگە ءتيىس دەلىندى. ال ايىپتالۋشى ەل ۇكىمەتى مەن باس پروكۋراتۋراعا شەتەلدىك كومپانيا ارقىلى جاسالعان پلاتفورما جۇمىسىنا قاتىستى كەلىسىم-شارتتاردى قايتا تەكسەرۋ قاجەت دەدى.
«قازىر ءبىزدىڭ ءىس تۋرالى جاڭالىقتار حالىقارالىق باسپاسوزگە شىعىپ جاتىر. سەبەبى ءوزىمنىڭ فەيسبۋك پاراقشامدا ءبارىن جاريالادىم. شۆەتسيا مەن قازاقستان اراسىنداعى كەلىسىمشارتقا قاتىستى, ەريكسون كومپانياسى تۋرالى ءتۇرلى-ءتۇرلى اقپارات شىعىپ جاتىر. مەن جارتى جىل بۇرىن, سوت باستالماي تۇرىپ قازاقستان ۇكىمەتىنە وسىنى تەكسەرۋدى ۇسىنعان بولاتىنمىن», دەدى ايىپتالۋشى ەلجان ءبىرتانوۆ.
ايتا كەتەيىك, بۇرىنعى دەنساۋلىق ساقتاۋ ءمينيسترى 2020 جىل كۇدىككە ىلىنگەن بولاتىن. تەرگەۋ ەكى جىلعا سوزىلدى.