ەسىل وزەنىنىڭ تۇبىنەن كولىك دوڭگەلەگى, جيھاز سەكىلدى قوقىس تابىلدى. نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسى ەسىل وزەنىندە سۇڭگۋىرلىك جۇمىستار جۇرگىزىپ جاتىر, دەپ حابارلادى ەلوردا اكىمدىگىنىڭ رەسمي سايتى.
بۇل جۇمىستار وزەن ءتۇبىنىڭ قازىرگى جاي-كۇيىن تەكسەرۋ, ءارتۇرلى قوقىستاردان تازارتۋ, ەسىل وزەنىندە ءتۇبىن تازارتۋ جانە جاعالاۋدى نىعايتۋ جۇمىستارىن ودان ءارى جۇرگىزۋ ءۇشىن سۋ تۇبىندە تۇنبا شوگىندىلەرىنىڭ دەڭگەيىن جانە وزەن تەرەڭدىگىن ايقىنداۋ ءۇشىن جۇرگىزىلەدى. سۇڭگۋىرلەر كەنەسارى كوشەسىنەن سىعاناق كوشەسىنە دەيىنگى ۋچاسكەدە, سونداي-اق تەلمان ەلدى مەكەنىندەگى «جاسىل ارال» اۋدانىندا ەسىل وزەنىنىڭ ءتۇبىن تەكسەردى.
ەسىل وزەنى اكۆاتورياسى ءتۇبىنىڭ 88 900 شارشى مەتر اۋماعى تەكسەرىلدى جانە ءتۇرلى قوقىستان تازارتىلىپ, 889 نۇكتەدە سۋ ءتۇبى/تۇنبا شوگىندىلەرىنىڭ دەڭگەيى انىقتالدى.
زەرتتەۋ بارىسىندا ەسىل وزەنىنىڭ تۇبىندە كولىك دوڭگەلەكتەرى, جيھاز بولىكتەرى, ,سول سياقتى وزگە دە ءىرى كولەمدى قالدىقتار تابىلدى. وسىعان بايلانىستى قالا تۇرعىندارى قورشاعان ورتاعا اسقان جاۋاپكەرشىلىكپەن قاراۋى قاجەت ەكەنىن ەسكەرتتى قالا اكىمدىگى.