قازاقستان بيلىگىنىڭ جالپىحالىقتىق رەفەرەندۋم وتكىزۋى – دەموكراتيالىق قۇندىلىقتارعا جاڭاشا كوزقاراس تانىتۋى. وسىلايشا ورتالىق ازياداعى كوشباسشى مەملەكەتتىڭ ليدەرى جاڭا قازاقستاندى قۇرۋعا نيەتتەنىپ وتىر. قاي-قايسىمىز بولسىن, ءاربىر حالىقتىڭ, ءاربىر مەملەكەتتىڭ وزىنە ءتان باي تاريحى بار ەكەنىن ەشقاشان قاپەردەن شىعارماعانىمىز ابزال.
شىندىققا تۋرا قاراساق, ءسىز ءبىر كۇندە ەشقانداي ەرەجەلەر مەن نورمالاردى وزگەرتە المايسىز. ول ءۇشىن ءبىرشاما ۋاقىت قاجەت. سونداي-اق ازاماتتاردى ناقتى شەشىم قابىلداۋعا بارىنشا كوبىرەك تارتقان دۇرىس. سول تۇرعىدان الىپ قاراعاندا قازاقستاندا وتكىزىلگەن رەفەرەندۋمدى دەموكراتيالىق قۇندىلىقتاردى باعالاۋدىڭ جاڭا ءبىر جولى دەپ تۇسىنگەن ابزال.
جالپى الىپ قاراعاندا قازاقستانداعى ساياسي ناۋقان ءوز دەڭگەيىندە ءوتتى دەۋگە بولادى. دەسە دە بولاشاقتا قازاقستاندا مەملەكەت پەن مەملەكەتتىك اپپاراتتى جاقسارتۋ جولىندا ءالى ءبىراز جۇمىستار ىستەۋگە تۋرا كەلەدى. بۇل دالەلدەۋدى قاجەت ەتپەيتىن اكسيوما ىسپەتتى. مەملەكەت ونداي قادامعا بارۋعا دايىن. سول ءۇشىن دە جالپىحالىقتىق رەفەرەندۋم وتكىزىپ وتىر. ال اتالعان ساياسي ناۋقان – ەلدىڭ شىنايى دەموكراتياعا ۇمتىلىسىنىڭ ناقتى كورىنىسى. حالىق بيلىك ۇسىنعان وزگەرىستەردى وڭ قابىلدادى. ەڭ باستىسى دا – سول.
تيبەريو گراتسياني,
Vision & Global Trends جاھاندىق تالداۋ ينستيتۋتىنىڭ باسشىسى