بۇگىن بارشا ەلىمىزدىڭ, ارايلى الماتىمىزدىڭ اسپانى شايداي اشىق بولدى. كۇن ك ۇلىمدەپ تۇردى. وسىعان قاراپ اللا تاعالانىڭ نازارى ەلىمىزگە ءتۇسىپ تۇر ەكەن-اۋ دەپ قۋاندىق. وسىنداي اسەرمەن رەفەرەندۋم ۋچاسكەسىنە بارىپ, ءوز داۋىسىمدى بەردىم.
پرەزيدەنت اتاپ وتكەندەي, رەفەرەندۋم سول وزگەرىستەردىڭ باستاۋى عانا. پرەزيدەنتتىڭ ايتقاندارىنا سەنىم مەن ءۇمىت ارتا وتىرىپ, ەلىمىزدەگى وزگەرىستەر ءۇشىن داۋىس بەردىم. بالا-شاعاسىنىڭ ەرتەڭگى جارقىن ءومىرىن ارماندامايتىن ادام جوق. بولاشاق قازاقستاندا, جاڭا قازاقستاندا, ادىلەتتى قازاقستاندا ازاماتتاردىڭ ەشقايسىسى دا نازاردان تىس قالمايدى دەگەن ءۇمىت زور. مەملەكەتىمىز باقۋاتتى ەل بولسىن دەگەن ارماندار جەتەلەپ كەلدى. مەن سول ارماندارىم ءۇشىن داۋىس بەردىم. ارينە, كونستيتۋتسياعا ەنگىزىلەتىن وزگەرىستەرگە بايلانىستى ۇسىنىستارىم دا بار. الايدا پرەزيدەنتىمىز ۇستانعان باعىت-باعداردى قولداي وتىرىپ, ءارى زور سەنىممەن وسى وزگەرىستەردىڭ بارلىعى دا ەلدىڭ جارقىن بولاشاعى ءۇشىن جۇزەگە اسادى دەپ ويلايمىن. وسىناۋ الماعايىپ زاماندا از عانا حالقىمىزعا اللانىڭ نازارى ءتۇزۋ بولعاي.
سماعۇل ەلۋباي,
قازاقستاننىڭ ەڭبەك سىڭىرگەن قايراتكەرى, جازۋشى