بۇگىن رەسپۋبليكالىق رەفەرەندۋم كۇنى اتىراۋ وبلىستىق پەرزەنتحاناسىندا 33 ءسابي دۇنيەگە كەلدى, دەپ حابارلايدى Egemen.kz اتىراۋ وبلىسى وڭىرلىك كوممۋنيكاتسيالار قىزمەتىنە سىلتەمە جاساپ.
«بۇگىن وڭىردە 33 ءسابي دۇنيە ەسىگىن اشتى. جاڭا تۋىلعان شاقالاقتىڭ 15-ءى ۇل, 18-ءى قىز. سابيلەر مەن جاڭا بوسانعان انالار وزدەرىن جاقسى سەزىنەدى. قازىرگى تاڭدا 2 انا بوساندىرۋ زالىندا», دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قايسار ابداليەۆ.
ەسكە سالا كەتەيىك, اتىراۋ وبلىسىندا 261 رەفەرەندۋم ۋچاسكەسى جۇمىس جاساۋدا. ولاردىڭ 11-ءى جابىق تۇردەگى ۋچاسكەلەر.