پاۆلودار وبلىسىندا سۋ قۇبىرىن قالپىنا كەلتىرۋگە بولىنگەن 340 ملن تەڭگەنى ۇرلاۋ دەرەگى انىقتالدى, دەپ حابارلايدى Egemen.kz.
«قر قارجىلىق مونيتورينگ اگەنتتىگىنىڭ پاۆلودار وبلىسى بويىنشا اۋماقتىق دەپارتامەنتى اقسۋ قالاسىنداعى سۋ قۇبىرىن قايتا جوندەۋگە بولىنگەن بيۋدجەت قاراجاتىن جىمقىرۋ فاكتىسىن انىقتادى. اقسۋ قالاسىنىڭ قۇرىلىس ءبولىمىنىڭ باسشىسى مۇزدىباەۆ, «دالا» جشس ديرەكتورى رىسپەكوۆ جانە تەحنيكالىق قاداعالاۋ مامانى نۇرتازين ءىس جۇزىندە ورىندالماعان جۇمىس اكتىلەرىنە قول قويعان.
قىلمىستىق ارەكەتتەر سالدارىنان مەملەكەتكە جالپى سوماسى 340 ميلليون تەڭگە, ياعني اسا ءىرى كولەمدەگى ماتەريالدىق زالال كەلتىرىلدى», دەلىنگەن ۆەدومستۆو تاراتقان مالىمەتتە.
اقسۋ قالالىق سوتى مۇزدىباەۆقا قاتىستى 7 جىلعا باس بوستاندىعىنان ايىرۋ تۋرالى ۇكىم شىعاردى.
پاۆلودار وبلىستىق سوتىنىڭ قىلمىستىق ىستەر جونىندەگى سوت القاسى رىسبەكوۆتى 9 جىلعا, ءنۇرتازيندى 7 جىلعا باس بوستاندىعىنان ايىردى.