اقش-تىڭ ۆيسكونسين شتاتىندا بەلگىسىز بىرەۋلەر جەرلەۋ راسىمىندە اتىس ۇيىمداستىرىپ, سالدارىنان بەس ادام جارالاندى, دەپ حابارلايدى Egemen.kz
وقيعا شتاتتىڭ راسين قالاسىنداعى زيراتىندا دا'شونتاي كينگ ەسىمدى اتىپ ولتىرىلگەن پوليتسيا قىزمەتكەرىن جەرلەۋ ءراسىمى كەزىندە ورىن العان.
جەرلەۋ قىزمەتكەرى اتىس كەزىندە جاراقات العان بەس ادامنىڭ بارلىعى كينگتىڭ وتباسى مۇشەلەرى ەكەنىن ايتتى. پوليتسيا جارالىلاردى اۋرۋحاناعا جەتكىزىپ, جەرگىلىكتى تۇرعىندارعا وقيعا بولعان اۋماققا بارماۋدى ەسكەرتتى.
كۋاگەرلەردىڭ ايتۋىنشا, وق اتۋدىڭ بەي-بەرەكەت بولعانى سونشا, ءبىر بولىگى زيرات ماڭىنداعى ويىن الاڭىنا تيگەن.
قازىر امەريكا قوعامىندا قارۋ ۇستاۋعا زاڭمەن تىيىم سالۋ ماسەلەسى قىزۋ تالقىلانىپ جاتىر.
سالتانات كەنجەباي