سولتۇستىك قازاقستان وبلىسىندا جوعالعان ەر ادامنىڭ دەنەسى تابىلدى. قۇتقارۋشىلار ءبىر اپتا ىزدەگەن ەر ادام سۋعا باتىپ كەتكەن. بۇل تۋرالى سقو توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باسشىسى مارات مۇراتوۆ وڭىرلىك كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتتى, دەپ حابارلايدى Egemen.kz.
«ول جەردە ەسىل وزەنىنىڭ تەرەڭدىگى 4 مەترگە دەيىن جەتەدى. اعىس وقيعا بولعان جەردەن 8 شاقىرىمعا الىپ كەتكەن, ياعني جاعادا كولىگى قالعان جەردەن 8 شاقىرىمنان كەيىن تابىلدى. قازىر مارقۇمنىڭ وزەنگە نە ءۇشىن بارعانى انىقتالىپ جاتىر», دەپ ءتۇسىندىردى مارات مۇراتوۆ.