«قازاقستان حالقىنا» قورى قۇرىلتايشىلارىنىڭ وكىلەتى قامقورشىلار كەڭەسىنە بەرىلەدى, دەپ حابارلايدى Egemen.kz.
«بۇگىننەن باستاپ قوردىڭ جارعىسىنا, قۇرىلتايشىلىق كەلىسىمشارتتارىنا وزگەرىس ەنگىزىلەدى. بۇعان دەيىن شىڭعىسباەۆا قۇرىلتايشى ۇيىمنىڭ باسشىسى بولعان ەدى. جالپى قۇرىلتايشىلاردىڭ ەكەۋى زاڭدى تۇلعا, ەكەۋى جەكە تۇلعا ەدى. قايىرىمدىلىق تۋرالى زاڭناما بويىنشا جارعىعا وزگەرىس ەنگىزەمىز. سونىڭ اياسىندا قوردىڭ جوعارعى باسقارۋشى ورگانى قامقورشىلار كەڭەسى بولادى. قازىرگىدەي قۇرىلتايشىلاردىڭ جالپى كەڭەسى بولمايدى. بۇگىننەن باستاپ قۇرىلتايشىلاردىڭ ەشقانداي وكىلەتى بولمايدى. بۇكىل وكىلەت قامقورشىلار كەڭەسىنە وتەدى», دەدى قور توراعاسى.
سونداي-اق قوردىڭ قامقورشىلار كەڭەسىنە جاڭا ءۇش ادام قوسىلماق.
«بۇدان بىلاي قوردىڭ قىزمەتىنە بايلانىستى شەشىمنىڭ ءبارىن قامقورشىلار كەڭەسى قابىلدايدى. ولاردىڭ سانى 12-دەن 15-كە كوبەيەدى. زاۋرەش امانجولوۆا, ابىلعازى قۇسايىنوۆ جانە يۆان ساۋەر كەڭەستىڭ جاڭا مۇشەلەرى بولادى», دەدى بولات جامىشەۆ.