وبلىستىق پوليتسيا دەپارتامەنتىنىڭ ەلەكتروندى پوشتاسىنا ءبىلىم بەرۋ مەكەمەلەرىنە جارىلعىش زاتتار قويىلعانى جونىندە جالعان حابارلار كەلىپ تۇسكەن, دەپ حابارلايدى Egemen.kz.
وقيعا ورنىنا بارلىق شۇعىل قىزمەتتەر مەن ساپەرلەر توبى شىعىپ, عيماراتتاردان جارىلعىش قۇرىلعىلاردىڭ بار-جوعىن تەكسەردى.
«بقممۋ, مبا ستۋدەنتتەرى, وقىتۋشىلارى مەن تەحنيكالىق قىزمەتكەرلەرى ەۆاكۋاتسيالاندى. جۇبانوۆ ۋنيۆەرسيتەتى مەن م.بوكەنباەۆ اتىنداعى اقتوبە زاڭ ينستيتۋتىندا جارىلعىش زاتتار تابىلعان جوق», دەلىنگەن وبلىستىق پد ءباسپاسوز قىزمەتى تاراتقان حابارلامادا.
پوليتسيا قىزمەتكەرلەرى ءانونيمدى حابارلامالاردىڭ اۆتورىن انىقتاۋعا باعىتتالعان جەدەل ءىس-شارالار جۇرگىزۋدە.
اتالعان فاكتى بويىنشا قر قك 273-بابى «تەرروريزم اكتىسى تۋرالى كورىنەۋ جالعان حابارلاۋ» بويىنشا سوتقا دەيىنگى تەرگەۋ باستالدى. بۇل باپتىڭ سانكتسياسى 5 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.