جىل باسىنان بەرى ەلوردادا 1400-گە جۋىق الاياقتىق فاكتىسى تىركەلدى. بۇل تۋرالى قالالىق پوليتسيا دەپارتامەنتىنىڭ كريمينالدىق پوليتسيا باسقارماسى ءبولىمىنىڭ باستىعى تالعات بولەگەنوۆ ايتىپ بەردى, دەپ حابارلايدى Egemen.kz.
«سوڭعى جىلدارى جوعارى تەحنولوگيالاردىڭ دامۋىنا بايلانىستى ينتەرنەت-الاياقتىق فاكتىلەرىنىڭ سانى ايتارلىقتاي وسكەن. جىل باسىنان بەرى 5 ايدا ەلوردا اۋماعىندا 1390 ينتەرنەت-الاياقتىق فاكتىسى تىركەلدى. ال وتكەن جىلدىڭ 5 ايىندا 1730 جاعداي تىركەلگەن ەدى. ينتەرنەت-الاياقتىقتان كەلگەن جالپى ماتەريالدىق شىعىن 1 ملرد 150 ملن تەڭگەدەن استى», دەدى تالعات بولەگەنوۆ قالالىق پوليتسيا دەپارتامەنتىندە وتكەن بريفينگتە.
پوليتسيانىڭ مالىمەتىنشە, اتالعان كەزەڭدە 48 ينتەرنەت-الاياق ۇستالىپ, قىلمىستىق جاۋاپكەرشىلىككە تارتىلعان.
«جابىرلەنۋشىلەرگە شامامەن 135 ملن تەڭگە شىعىن وتەلدى. ۇستالعان 48 ادامنىڭ 25-ءى ەكى جانە ودان دا كوپ ەپيزود جاساعان. كۇدىكتىلەر – نەگىزىنەن 20-35 جاس ارالىعىنداعى ادامدار», دەدى ءبولىم باستىعى.
مىسالى, ولاردىڭ ءبىرى ينتەرنەت جەلىسىندە 60-تان استام الاياقتىق جاساعان.
«بيىل كامەلەتكە تولماعان ءبىر ادام ينتەرنەت-الاياقتىق جاساعانى ءۇشىن جاۋاپقا تارتىلدى. ول شامامەن 25 ادامدى الداعان جانە جەدەل-تەرگەۋ ءىس-شارالارى بارىسىندا ۇستالدى. ونىڭ ءوزى باسقا قالادا بولسا دا, ەلورداداعى پاتەرلەردى جالعا بەرۋ تۋرالى حابارلاندىرۋلار جاريالاپ وتىرعان. سالدارىنان كۇدىكتى وزگەلەرگە 350 مىڭ تەڭگە شىعىن كەلتىرگەن», دەدى ت. بولەگەنوۆ.
ايانا توعانبەك