اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقاليەۆ ءىسى سوتقا جەتتى, دەپ حابارلايدى Egemen.kz «اق جايىق» باسىلىمىنا سىلتەمە جاساپ.
وبلىستىق سوتتىڭ ءباسپاسوز قىزمەتىنىڭ مالىمەتىنشە, 26 مامىردا اتىراۋ قالاسىنىڭ №2 سوتىنا اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن اتىراۋ وبلىسىنىڭ مادەنيەت, تىلدەردى دامىتۋ جانە مۇراعات ءىسى باسقارماسىنىڭ باسشىسى اقىلبەك رىسقاليەۆكە قاتىستى قىلمىستىق ءىس كەلىپ تۇسكەن.
حامەنوۆا مەن رىسقاليەۆقا قر قىلمىستىق كودەكسىنىڭ 366-بابى 3-بولىگى 2-تارماعى ء(بىر توپ ادامنىڭ الدىن الا ءسوز بايلاسۋ ارقىلى پارا الۋى) بويىنشا ايىپ تاعىلدى.
ەسكە سالايىق, اتىراۋ وبلىسى اكىمىنىڭ ورىنباسارى باقىتگۇل حامەنوۆا پارا الدى دەگەن كۇدىكپەن ۇستالعان بولاتىن. اتىراۋ وبلىسىنىڭ ارنايى تەرگەۋ سوتى وبلىس اكىمىنىڭ ورىنباسارى باقىتگۇل حامەنوۆانى ۇيقاماققا الۋ تۋرالى شەشىم شىعاردى.
ونىمەن بىرگە وبلىستىق مادەنيەت باسقارماسىنىڭ باسشىسى اقىلبەك رىسقاليەۆ تە ۇستالدى.