1 ماۋسىم - حالىقارالىق بالالاردى قورعاۋ كۇنى جانە «بالالار جىلى» اياسىندا نۇر-سۇلتان قالاسى اكىمدىگىنىڭ «استانا جاستارى» كوممۋنالدىق مەملەكەتتىك مەكەمەسىنىڭ ۇيىمداستىرۋىمەن نۇر-سۇلتان قالاسى بويىنشا جۇمىس ىستەيتىن 26 اۋلا كلۋبى تاربيەلەنۋشىلەرىنىڭ قاتىسۋىمەن سپورتتىق جانە شىعارماشىلىق باعىتتار بويىنشا تۋرنير وتەدى, دەپ حابارلايدى Egemen.kz.
تۋرنير اياسىندا اعىمداعى جىلدىڭ 30 مامىرىندا اققۇم, 17 مەكەنجايى بويىنشا ورنالاسقان «اقجول» اۋلا كلۋبىندا توعىزقۇمالاق, ارقان تارتۋ, فۋتبول جانە ت. ب. سپورت تۇرلەرى بويىنشا تۋرنيرلەر مەن كونتسەرتتىك ءىس-شارالار ۇيىمداستىرىلادى.
جوباعا بەلگىلى قوعام قايراتكەرلەرى, قر پارلامەنتى ءماجىلىسىنىڭ دەپۋتاتتارى, قالالىق ءماسليحات دەپۋتاتتارى, سونداي-اق بەلگىلى سپورتشىلار قاتىسادى دەپ جوسپارلانعان.
سونىمەن قاتار جالپىۇلتتىق رەسپۋبليكالىق رەفەرەندۋمدى قولداۋ ماقساتىندا نۇر-سۇلتان قالاسى اكىمدىگىنىڭ «استانا جاستارى» كمم ۆولونتەرلارى مەن قىزمەتكەرلەرى ەلوردا تۇرعىندارى اراسىندا ءتۇسىندىرۋ جۇمىستارىن جۇرگىزۋدى جانە اقپاراتتىق بۋكلەتتەر تاراتۋدى جوسپارلاپ وتىر.