167 باس مالدى ۇرلاعان قىلمىستىق توپ ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
ءىىم كريمينالدىق پوليتسيا دەپارتامەنتى پاۆلودار وبلىسى پد-مەن بىرلەسىپ ۇيىمداستىرعان ارنايى وپەراتسيا ناتيجەسىندە سەمەي قالاسىندا ۇرلانعان 40 باس جىلقىنى ايداپ ءوتۋ كەزىندە بەس ادامنان تۇراتىن وڭىرارالىق قىلمىستىق توپ ۇستالدى. بۇل توپ سونداي-اق پاۆلودار, شىعىس قازاقستان جانە قاراعاندى وبلىستارىندا التى مال ۇرلىعىن جاساعان. ءتىنتۋ كەزىندە كۇدىكتىلەردەن تاعى 67 ۇرلانعان جىلقى, اۆتوكولىك جانە ەكى موتوتسيكل تابىلدى. ۇرلانعان مال الدىن الا سويۋعا دايىندالعان جەرگە ايدالىپ, ەتتى تانىس قاساپشىلارعا ساتىپ وتىرعان.
ۇيىمداسقان توپقا قاتىستى قك-ءتىڭ 262-بابى بويىنشا قوسىمشا قىلمىستىق ىستەر قوزعالدى. ياعني مۇلكىن تاركىلەي وتىرىپ, قىلمىستىق توپتى قۇرۋ, باسشىلىق ەتۋ جانە وعان قاتىسقانى ءۇشىن 12 جىلعا باس بوستاندىعىنان ايىرۋ جازاسى تاعايىندالادى.
سالتانات كەنجەباي