اتىراۋدا العاشقىلاردىڭ قاتارىندا اسحات يششانوۆ جەڭىلدەتىلگەن اۆتونەسيەمەن جاڭا كولىكتىڭ يەسى اتاندى. ول اتىراۋداعى بانك فيليالىندا مەنەدجەر بولىپ جۇمىس ىستەيدى. باعدارلاما ىسكە قوسىلعان كۇنى ەۋرازيالىق بانككە ءوتىنىش بەرگەن.
– ماعان اۆتوسالون مەنەدجەرى ساتۋ-ساتىپ الۋ كەلىسىمشارتىنا قول قويۋ قاجەتتىگى تۋرالى قۋانىشتى حابار جەتكىزدى. جاڭا كولىكتى جەڭىلدەتىلگەن نەسيەمەن ساتىپ العانىما قۋانىشتىمىن. ويتكەنى 16 مامىردا باستالعان جەڭىلدەتىلگەن اۆتونەسيە باعدارلاماسىمەن 4 پايىزدىق نەسيە الۋعا بولادى. جەتى جىلعا 10 ملن تەڭگەدەن اسپايتىن نەسيە بەرىلەدى ەكەن. ال ساتىپ الاتىن كولىكتىڭ باعاسى 15 ملن تەڭگەدەن اسپاۋى كەرەك. وسىنداي سەبەپپەن, سhevrolet Cobalt كولىگىن تاڭدادىم. كولىك قۇنى – 6 ملن 490 مىڭ تەڭگە. اي سايىن 101 مىڭ تەڭگە تولەيتىنىم كورسەتىلگەن جەڭىلدەتىلگەن اۆتونەسيەنى 6 جىلعا راسىمدەدىم, – دەيدى اسحات يششانوۆ.
«ۆيراج» كومپانيالار توبىنىڭ ديرەكتورى ەراسىل ءشارىپوۆتىڭ مالىمەتىنشە, سhevrolet كولىگىن ساتاتىن اۆتوسالونعا 400 اتىراۋلىقتان ءوتىنىش تۇسكەن. ونىڭ ىشىندە 120 ادام VIN-كود العان. ال وزگەلەرى رەزەرۆتىك تىزىمگە ەنگىزىلىپ وتىر. ويتكەنى بارىنە جاڭا كولىك جەتپەيدى. قازىر كومپانيانىڭ قويماسىندا وسىنداي 120 كولىك قالعان.
– ءبىز جاڭا كولىكتەرگە الدىن الا ءوتىنىم بەرىپ قويدىق. جاڭا كولىكتەر ءۇش ايدىڭ ىشىندە كەلەدى. ءبىزدىڭ كليەنتتەردەن Chevrolet Cobalt پەن Chevrolet Nexia ماركالى كولىككە سۇرانىس ارتىپ تۇر. بىلتىر ەلىمىزدە وسىنداي ماركالى 25 مىڭنان استام كولىك ساتىلدى, – دەيدى ەراسىل ءشارىپوۆ.
اتىراۋ وبلىسى