مۇحتار تىلەۋبەردى يتالياعا ءىس-ساپارمەن بارادى

بيىل قازاقستان مەن يتاليا ديپلوماتيالىق قاتىناستاردىڭ ورناعانىنا 30 جىل تولۋىن اتاپ وتۋدە. ىنتىماقتاستىقتىڭ ءۇش ونجىلدىعى ىشىندە ەلدەر ەكىجاقتى ءوزارا ءىس-قيمىلدىڭ بارلىق سپەكترى بويىنشا, ونىڭ ىشىندە ساياسي, ساۋدا-ەكونوميكالىق جانە مادەني-گۋمانيتارلىق سالالاردا تىعىز بايلانىس ورناتتى.

ديپلوماتتار حالىقارالىق كۇن تارتىبىندەگى وزەكتى ماسەلەلەردىڭ كەڭ اۋقىمى بويىنشا پىكىر الماستى.

سونىمەن قاتار تاراپتار ەكىجاقتى ءوزارا ءىس-قيمىلدى نىعايتۋعا دەگەن ءوزارا قىزىعۋشىلىقتىڭ ارتىپ كەلە جاتقانىن اتاپ ءوتىپ, ۇكىمەتارالىق جانە پارلامەنتارالىق بايلانىستاردى دامىتۋعا بارىنشا جاردەمدەسۋگە كەلىستى جانە جوعارى مەن اسا جوعارى دەڭگەيدەگى ءوزارا ساپارلاردى ۇيىمداستىرۋ جونىندەگى جوسپارلاردى تالقىلادى. وسى تۇرعىدا تاراپتار قازاقستان ءسىم باسشىسى مۇحتار تىلەۋبەردىنىڭ يتالياعا جوسپارلانعان ساپارىنا ەرەكشە نازار اۋداردى.

ەكىجاقتى ساۋدامەن جانە قازاقستانعا تىكەلەي يتالياندىق ينۆەستيتسيالار قۇيىلۋىنىڭ وڭ سەرپىنىن نازارعا الا وتىرىپ, وسى باعىتتاعى ارىپتەستىكتى ودان ءارى تەرەڭدەتۋ قاجەتتىگىنە ەرەكشە نازار اۋدارىلدى. يتاليا قازاقستان ەكونوميكاسىنىڭ ءىرى ينۆەستورلارىنىڭ ءبىرى بولىپ سانالادى. قر ۇلتتىق بانكىنىڭ دەرەكتەرى بويىنشا 2021 جىلى يتاليادان قازاقستانعا تىكەلەي شەتەلدىك ينۆەستيتسيالار كولەمى 122,8 ملن اقش دوللارىن, ال ەلدەرىمىز اراسىنداعى ءوزارا تاۋار اينالىمىنىڭ كولەمى 2021 جىلى 9,6 ملرد اقش دوللارعا (ەكسپورت 8,8 ملرد اقش دولل. جانە يمپورت 0,8 ملرد اقش دوللار) جەتتى.