قازاقستان بارلىق مىندەتتەمەلەرىن تولىق ورىنداۋعا جانە ماڭىزدى جوبالاردى بىرلەسىپ ىسكە اسىرۋعا دايىن. بۇل تۋرالى قاسىم-جومارت توقاەۆ قازاقستان مەن قىرعىزستان پرەزيدەنتتەرىنىڭ بۇقارالىق اقپارات قۇرالدارى ءۇشىن وتكەن بريفينگى بارىسىندا ايتتى, دەپ حابارلايدى Egemen.kz.
جوبانىڭ قۇنى – 300 ملن دوللار. قاسىم-جومارت توقاەۆ سۋ-ەنەرگەتيكا سالاسىنداعى قارىم-قاتىناستى ۇيلەستىرۋدى ماڭىزدى باعىت رەتىندە اتادى.
ء«بىز ترانسشەكارالىق سۋ رەسۋرستارى - ورتاق بايلىق ەكەنىن تاعى ءبىر مارتە اتاپ كورسەتتىك. سۋ تاپشىلىعى ماسەلەسى جىلدان-جىلعا كۇردەلەنىپ كەلەدى. بەدەلدى حالىقارالىق ەكولوگيالىق ۇيىمدار وسىنداي بولجام جاساپ وتىر. سۋ كەلەشەكتە كوپ بولمايدى, تاپشى بولادى. بۇل – انىق نارسە. سوندىقتان, ورتالىق ازيا مەملەكەتتەرى بىرلەسكەن جۇمىستاردى قولعا الۋى قاجەت. ەكى ەلگە ورتاق وزەندەر ءاردايىم جۇرتتى جاقىنداستىرا تۇسۋگە دانەكەر بولۋى كەرەك. قازاقستان بارلىق مىندەتتەمەلەرىن تولىق ورىنداۋعا جانە ماڭىزدى جوبالاردى بىرلەسە ىسكە اسىرۋعا دايىن», دەدى مەملەكەت باسشىسى.