كونكۋرستىق كوميسسيانىڭ شەشىمىنە جانە مەريتوكراتيا قاعيداتتارىنا سايكەس ءمادي جانگەلدى ۇلى وتارباەۆ باتىس قازاقستان وبلىسىنىڭ مەملەكەتتىك ساۋلەت-قۇرىلىس باقىلاۋى باسقارماسىنىڭ باسشىسى بولىپ تاعايىندالدى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
ءمادي وتارباەۆ 1968 جىلى الماتى قالاسىندا دۇنيەگە كەلگەن.
ءبىلىمى جوعارى, قازاق ۇلتتىق ساۋلەت-قۇرىلىس اكادەمياسىن ينجەنەر-قۇرىلىسشى جانە قازاق ۇلتتىق قۇقىق ۋنيۆەرسيتەتىن قۇقىقتانۋ ماماندىعى بويىنشا تامامداعان.
تەحنيكا عىلىمدارىنىڭ كانديداتى. ءار جىلدارى قۇرىلىس كومپانيالارىندا ينجەنەر, ديرەكتور, ورال قالاسى ساۋلەت-قۇرىلىس باقىلاۋ باسقارماسىنىڭ ءبولىم باستىعى, قر قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى دەپارتامەنتىنىڭ باسشىسى, شىعىس قازاقستان وبلىسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتىنىڭ باسشىسى, الماتى قالاسى قۇرىلىس باسقارماسىنىڭ باسشىسى, شقو قۇرىلىس, ساۋلەت جانە قالا قۇرىلىسى باسقارماسىنىڭ باسشىسى قىزمەتتەرىن اتقاردى.
كۇنى بۇگىنگە دەيىن تالعار اۋدانى قۇرىلىس ءبولىمىنىڭ باسشىسى بولىپ قىزمەت ەتتى.