بيىل پاندەميادان كەيىن العاش رەت مەكتەپ تۇلەكتەرى ءۇشىن سوڭعى قوڭىراۋ سالتاناتىن وتكىزۋگە رۇقسات بەرىلدى. دەگەنمەن مەكتەپ ءبىتىرۋ كەشىن مەيرامحانادا وتكىزۋگە تىيىم سالىنعان, دەپ حابارلايدى Egemen.kz.
ءبىلىم جانە عىلىم مينيسترلىگى تۇلەكتەردىڭ ۇستازدارىنا سىيلىق جاساۋىنا بولمايتىنىن ەسكە سالدى. مەكتەپ اكىمشىلىگى مەن مۇعالىمدەرگە سىيلىق الۋ ءۇشىن اقشا جيناۋعا, ويىن-ساۋىق مەكەمەلەرىندە ءبىتىرۋ كەشىن ۇيىمداستىرۋعا دا رۇقسات جوق. دەسە دە, سوڭعى قوڭىراۋدا ۇستازدارعا گۇل سىيلاۋعا بولادى.
«جىل سايىن 1 قىركۇيەك نەمەسە 25 مامىر قارساڭىندا «مۇعالىمگە گۇل سىيلاۋعا بولا ما, بۇل زاڭبۇزۋشىلىق بولىپ سانالماي ما؟» دەگەن سۇراق تۋىندايدى. ءبىزدىڭ ۇستانىمىمىز - ءيا, بولادى. بۇل جاقسى ءداستۇر عوي», دەيدى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
قازاقستاننىڭ بارلىق مەكتەبىندە سوڭعى قوڭىراۋ مەرەكەسى 25 مامىردا وتەدى. ال 16-17 ماۋسىمدا اتتەستاتتى سالتاناتتى تاپسىرۋ ءراسىمى وتكىزىلەدى.