دەمالىس كۇندەرى شىعىس قازاقستان وبلىسىنىڭ ورماندارىندا 33 ءورت شىقتى, دەپ حابارلايدى Egemen.kz.
شقو تجد ءباسپاسوز قىزمەتىنىڭ مالىمەتىنە قاراعاندا, وڭىردە سوڭعى ەكى كۇندە 215 رەت ءشوپ جانعان. قىزىل جالىننىڭ جالپى اۋدانى 481 گەكتاردى قۇراعان. بۇدان بولەك, ورمانداردا 33 ءورت شىعىپ, 414 گەكتار جەر وتقا وراندى.
قۇتقارۋشىلار ءتىلسىز جاۋدىڭ الدىن الۋ ءۇشىن كوسمومونيتورينگتى پايدالانۋدا. ونداعى دەرەكتەردى «قازاقستان عارىش ساپارى» ۇك اق مەن Geosat جشس ۇسىنادى. تەرمونۇكتەلەر بويىنشا دەرەكتەردى الىپ, وتتى تۇتانعان ساتىندە سوندىرۋگە مۇمكىندىك بار. بۇگىندە عارىشتىق تەحنولوگيانىڭ كومەگىمەن دەپارتامەنت قىزمەتكەرلەرى 93 ءورتتىڭ تارالۋىنا توسقاۋىل بولدى.
دالا ءورتىنىڭ الدىن الۋ ءۇشىن مەملەكەتتىك ءورت باقىلاۋ ورگاندارىنىڭ قىزمەتكەرلەرى پوليتسەيلەرمەن, ورمانشىلارمەن جانە جەرگىلىكتى اتقارۋشى ورگان وكىلدەرىمەن بىرلەسىپ پروفيلاكتيكالىق رەيدتەر جۇرگىزۋدە. 444 ادامنان تۇراتىن 68 ءموبيلدى توپ قۇرىلدى.
بۇگىنگە دەيىن 391 رەيد وتكىزىلدى. سونىڭ ناتيجەسىندە ءشوپ ورتەۋگە جانە وت جاعۋعا بايلانىستى قاۋىپسىزدىك ەرەجەلەرىن بۇزعان 38 ازامات اكىمشىلىك جاۋاپكەرشىلىككە تارتىلدى.