قازاقستاننىڭ دەپوزيتتەرگە كەپىلدىك بەرۋ قورى (قدكبق) «Capital Bank Kazakhstan» اق سالىمشىلارىنا كەپىلدىك بەرىلگەن وتەمدى تولەۋ – سوڭعى كۇنىن قوسا العاندا 2022 جىلدىڭ 3 شىلدەسىنە دەيىن جۇزەگە اسىرىلاتىندىعىن حابارلايدى.
اتالعان بانكتىڭ سالىمشىلارى كەپىلدىك بەرىلگەن دەپوزيتتەر بويىنشا وتەم سومالارىن «ەۋرازيالىق بانك» اق اگەنت بانكىنىڭ بولىمشەلەرى ارقىلى جانە ونلاين تۇرىندە الا الادى.
«ونلاين ءوتىنىشتى قور تولەمدەرىنىڭ ەلەكتروندى پورتالى ارقىلى جىلدام بەرۋگە بولادى. سونداي-اق مۇندا تولەنۋگە جاتاتىن سومانى جانە ءوتىنىشتىڭ ورىندالۋ بارىسىن قاداعالاۋعا مۇمكىندىك بار. ونلاين ءوتىنىش بەرۋ ءۇشىن سالىمشىنىڭ ەلەكتروندى تسيفرلىق قولتاڭباسىنىڭ وزەكتى كىلتى (ەتسق) بولۋى شارت. ءارى قاراي بەينە-تەكسەرۋدەن ءوتۋ قاجەت. بۇل رەتتە SMS-كودتى الۋ ءۇشىن سالىمشىلار ۇيالى تەلەفوندارىن ءموبيلدى ازاماتتار بازاسىنا تىركەۋى كەرەك. ءوتىنىشتى ونلاين بەرۋ بويىنشا تولىق نۇسقاۋلىق قدكبق سايتىندا قولجەتىمدى», دەدى قدكبق توراعاسى ءادىل وتەمباەۆ.
اتاپ ايتۋ كەرەك, ءوتىنىشتى ونلاين بەرۋ بانك شوتتارىنىڭ, تولەم كارتوچكالارى مەن سالىمداردىڭ يەلەرىنە عانا قولجەتىمدى. سايكەسىنشە سالىمشىنىڭ (سەنىمحات بويىنشا) زاڭدى وكىلدەرى, مۇراگەرلەرى نەمەسە باسقا دا قۇقىق يەلەنۋشىلەرى تىكەلەي اگەنت بانككە جۇگىنەدى. بۇل رەتتە قدكبق سايتىندا ورنالاستىرىلعان تىزىمگە سايكەس راستاۋشى قۇجاتتاردى ۇسىنادى.
كەپىلدىك بەرىلگەن وتەمدى تولەۋ مەرزىمى (2022 جىلدىڭ 3 شىلدەسى) اياقتالعان سوڭ, «Capital Bank Kazakhstan» اق سالىمشىلارىنىڭ تالاپ ەتپەگەن سومالارى ولاردىڭ بىرىڭعاي جيناقتاۋشى زەينەتاقى قورىندا (بجزق) اشىلعان جەكە زەينەتاقى شوتتارىنا ەرىكتى زەينەتاقى جارنالارى رەتىندە اۋدارىلادى. وتەم اقشانى اۋدارۋ «قازاقستان رەسپۋبليكاسىنىڭ ەكiنشi دەڭگەيدەگى بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» زاڭعا سايكەس تولەم مەرزىمى اياقتالعان كۇننەن باستاپ كۇنتىزبەلىك 30 كۇن ىشىندە, ياعني سوڭعى كۇنىن قوسا العاندا 2022 جىلدىڭ 2 تامىزىنا دەيىن جۇزەگە اسىرىلادى.
«دالەلدى سەبەپتەرمەن 2022 جىلدىڭ 3 شىلدەسىنە دەيىن وتەم الۋعا ءوتىنىش بەرىپ ۇلگەرمەگەن, ونىڭ ىشىندە تالاپ ەتپەگەن اقشالارى بجزق-عا اۋدارىلعان سالىمشىلار جازباشا ءوتىنىشتى تىكەلەي قورعا بەرۋ ارقىلى وتەم سومالارىن الۋعا قۇقىلى. ولاردىڭ قولىندا دالەلدى سەبەپتەرىن راستايتىن قۇجاتتارى بولۋى قاجەت. دالەلدى سەبەپتەردىڭ ءتىزىمى «قازاقستان رەسپۋبليكاسىنىڭ ەكiنشi دەڭگەيدەگى بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» زاڭدا قاراستىرىلعان», دەدى ءادىل وتەمباەۆ.
تولىققاندى اقپاراتتى kdif.kz سايتىنداعى 1460 تەگىن نومىرىنە قوڭىراۋ شالۋ ارقىلى بىلۋگە بولادى. سونىمەن قاتار ساۋالداردى info@kdif.kz پوشتاسىنا جولداۋعا نەمەسە @kdif_ask Telegram-چاتىنا سۇراق قويۋعا مۇمكىندىك بار.