كوكشەتاۋدا سينتەتيكالىق ەسىرتكى زاتتارى سالىنعان تۇيىرشىكتەردى جاسىرۋمەن اينالىسقان قىزىلوردا قالاسىنىڭ تۇرعىنى ۇستالدى, دەپ حابارلايدى Egemen.kz.
اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, كۇدىكتى 14 مامىر كۇنى قوپا كولىنىڭ جاعاسىندا قولعا ءتۇستى.
«كوكشەتاۋدا سينتەتيكالىق ەسىرتكى زاتتارىن جاسىرۋمەن اينالىسقان قىزىلوردا قالاسىنىڭ 22 جاستاعى تۇرعىنى ۇستالدى. كۇدىكتىنى ءتىنتۋ كەزىندە ودان اق ءتۇستى ۇنتاق ءتارىزدى 50 پوليەتيلەن بۋماعا سالىنعان سينتەتيكالىق ەسىرتكى زاتى «پيرالەرون» تاركىلەندى. تابىلعان زاتتىڭ سالماعى شامامەن 40 گرامدى قۇرايدى», دەدى ۆەدومستۆو وكىلدەرى.
سونىمەن بىرگە, پوليتسيا قىزمەتكەرلەرى كۇدىكتىنىڭ ۇيالى تەلەفونى ارقىلى ەسىرتكى زاتتارىن سالاتىن ورىنداردىڭ گەولوكاتسياسىن كورسەتە وتىرىپ, فوتوەسەپتەر جۇرگىزگەنىن انىقتادى.
«اتالعان فاكتىگە بايلانىستى قىلمىستىق كودەكستىڭ 296-بابى 4-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە. تاركىلەنگەن زاتتار ساراپتاماعا جىبەرىلدى. بەلگىلى بولعانداي, كۇدىكتى اقمولا وبلىسىنا بىرنەشە اي بۇرىن قىزىلوردا قالاسىنان كەلگەن. ول ەش جەردە جۇمىس ىستەمەيدى جانە وقىمايدى», دەپ تولىقتىردى ۆەدومستۆودان.