بۇل تۋرالى بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ ايتتى, دەپ حابارلايدى Egemen.kz.
«جىل سايىن مال شارۋاشىلىعى ونىمدەرىن قايتا وڭدەۋ جوبالارى جۇزەگە اسىرىلادى. دەگەنمەن مۇنداي كاسىپورىندار وندىرىستىك قۋاتىن تولىق پايدالانىپ وتىرعان جوق. وسىعان وراي اۋىل شارۋاشىلىعى تاۋارىن وندىرۋشىلەردى ۇساق وندىرۋشىلەر مەن قايتا وڭدەۋشى كاسىپورىنداردى بايلانىستىراتىن دايىنداۋشى ۇيىمدار جەلىسىن قۇرۋعا ىنتالاندىرۋ قاجەت», دەدى ءاليحان سمايىلوۆ.
وسى رەتتە ۇكىمەت باسشىسى اۋىل شارۋاشىلىعى, ساۋدا مينيسترلىكتەرى مەن جەرگىلىكتى اتقارۋشى ورگانداردىڭ مىندەتى – ءونىمدى ءوندىرۋشى مەن وڭدەۋشىگە دەيىنگى نارىقتىڭ بارلىق قاتىسۋشىلارىنىڭ ينتەگراتسياسىنا جاعداي جاساۋ ەكەندىگىن باسا ايتتى.