قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىندا كاسىپكەرلىك قىزمەت ءۇشىن جاعدايدى جاقسارتۋ جونىندەگى تۇبەگەيلى شارالار تۋرالى» 2014 جىلعى 27 اقپانداعى جارلىعىن قولدايدى.
بۇل جونىندە ماجىلىستەگى «حالىق كوممۋنيستەرى» فراكتسياسى «شاعىن كاسىپكەرلىكتىڭ ۇلكەن ءماسەلەلەرى» دەگەن تاقىرىپتا ءوتكىزگەن دوڭگەلەك ۇستەلدە مالىمدەدى.
وتىرىستا كۇن تارتىبىندەگى ءماسەلە بويىنشا فراكتسيا جەتەكشىسى ۆلاديسلاۆ كوسارەۆ پەن وڭىرلىك دامۋ مينيسترلىگى كاسىپكەرلىكتى دامىتۋ كوميتەتىنىڭ ءتورايىمى عاليا جولدىباەۆا بايانداما جاسادى.
بۇگىنگى تاڭدا ورتا جانە شاعىن كاسىپكەرلىك – ەلىمىزدەگى كوپتەگەن وتباسىن اسىراپ وتىرعان تابىس كوزى. ولار مەملەكەتكە سالىق تولەۋشىلەر. سوندىقتان دا ولاردى مەملەكەتتىك قولداۋ قاجەت. دوڭگەلەك ۇستەلدە قازاقستان فەرمەرلەرى وداعىنىڭ توراعاسى اۋەزحان دارىنوۆ, جامبىل وبلىستىق قكحپ ءبىرىنشى حاتشىسى جاننا ماماشەۆا, ءماجىلىس دەپۋتاتى ايقىن قوڭىروۆ, تاعى باسقالار ءسوز ءسويلەدى.
«ەگەمەن-اقپارات».